திராவிட இயக்க வரலாறு குறித்து அறிய

திராவிட இயக்க வரலாறு குறித்து அறிய

தொடர்புடைய சுட்டி:

தி.மு.க வின் வரலாறு குறித்து டி.எம்.பார்த்தசாரதி எழுதிய நூல் - இப்போது கிடைக்கிறதா என்று தெரியாது, நூலகங்களில் இருக்கலாம்.M.S.S.Pandian எழுதிய கட்டுரைகள் மற்றும்
நூல் Brahmin and Non - Brahmin - Genealogies of the Tamil Political Present இதன் கடைசி அத்தியாதத்தில் கமலநாதன் எழுதிய நூல் மற்றும் ராஜ்கெளதமனின் தலித் அற/அரசியல் பற்றி கட்டுரை உள்ளது.ராஜதுரை-கீதா எழுதியவை ,பெரியார்:சுயமரியாதை-சமதர்மம் விடியல் பதிப்பகம் கோவை கிட்டதட்ட 1000 பக்கம் கொண்ட 3ம் விரிவான பதிப்பு 2009ல் வெளியானது ரூ 600(?)இது தவிர அவர்கள் தமிழிலும் ஆங்கிலத்திலும் எழுதியுள்ளவை. ராஜதுரை பதிப்பித்த ஆகஸ்ட் 15, இன்ப நாள்-துக்க நாள் இரண்டும் பெரியார் சுதந்திரம் கிடைத்ததை எப்படி அணுகினார், பெரியாருக்கும்,அண்ணாவிற்கும் இருந்த மாறுபட்ட கருத்துக்களை விரிவாக எடுத்துரைப்பவை. ஆங்கிலத்தில் இருவரும், தனித்தனியாகவும், கூட்டாகவும் பல கட்டுரைகளை எழுதியுள்ளனர்.இது தவிர From Iyothee Das to Periyar: Towards a Non-Brahmin Millinieum என்ற நூலும் எழுதினர்.மேற்கூறிய
நூற்களில், கட்டுரைகளில் ஆங்கில,தமிழ் நூற்களின் (உ-ம் மங்கள முருகேசன்,நம்பி ஆரூரான் எழுதியவை) விபரங்கள் குறிப்பிடப்பட்டுள்ளன. ஆ.இரா.வெங்கடாசலபதி கட்டுரைகள், ஒரு சிறு நூல் எழுதியுள்ளார்.விபரம் பாண்டியன், ராஜதுரை-கீதா எழுதியதில் உள்ளது. ஆங்கிலத்தில் பலர் கட்டுரைகள் எழுதியுள்ளனர், உதாரணமாக Revolutionary family life and the Self Respect movement in Tamil south India, 1926–49 -Sarah Hodges Contributions to Indian Sociology, Vol. 39, No. 2, 251-277 (2005). தமிழில் நிறப்பிரிகை இதழ் நடத்திய விவாதமும் குறிப்பிடப்பட வேண்டியது (இது இப்போது கிடைக்கிறதா?). பி.ராமமூர்த்தியின் நூலுக்கு வீரமணி பதில் நூல் எழுதினார்.கண்ணதாசனின் மனவாசம்,வனவாசம் ,பலரது /சுயசரிதைகள்/வாழ்க்கைவரலாற்று நூற்களில் தகவல்கள் கிடைக்கலாம்.ரவிக்குமார் எழுதியுள்ளவை அவரது நூற்களில் இருக்கிறது என்று நினைக்கிறேன்.ராஜதுரை-கீதாவின் பெரியார் நூல் மற்றும் எழுத்துக்கள் 1950களின் துவக்கம் வரை விரிவாக ஆராய்கிறது. 1952-73 வரையான காலம் அவர்களால் விரிவாக எழுதப்படவில்லை. பெரியார்: மரபும்,திரிபும் - ராஜதுரை எழுதியது,அனைத்து சாதியினரையும் அர்ச்சகர் ஆக்கும் முயற்சியும், அதில் பெரியாரின் பங்கையும் விரிவாகச் சொல்கிறது.அத்துடன் பெரியார் தனிதமிழ்நாடு கோரினாரா இல்லையா என்பதையும் அலசுகிறது.2001ல் வெளியான இது இப்போது விற்பனையில் உள்ளதா என்று
தெரியவில்லை.

பெரியாரின் முழுமையான வாழ்க்கை வரலாற்றினை கவிஞர் கருணாநந்தம் எழுதினார்.அது இப்போது கிடைக்கிறதா என்று தெரியாது. மற்றப்படி கலைஞரின் நெஞ்சுக்கு நீதி, எம்ஜிஆரின்
நான் ஏன் பிறந்தேன் போன்ற நூற்களின் வாயிலாக தனிப்பட்ட நபர்களின் அனுபவங்கள், இயக்கத்திற்கும் அவர்களுக்கும் இருந்த தொடர்பை அறிந்து கொள்ள முடியும்.பெரியார் சுயமரியாதை பிரச்சார நிறுவனம் வெளியிட்டுள்ள நூற்களும் முக்கியமானவை, குறிப்பாக பெரியார் எழுதிய சிறு நூல்கள் மற்றும் நிலைப்பாடுகள் குறித்த வெளியீடுகள்.ஆனைமுத்து தொகுத்த பெரியார் சிந்தனைகள் 3 தொகுதிகள் இன்னொரு முக்கியமான நூல். பெரியார் ஜித்து கிருஷ்ணமூர்த்தியை சந்த்திது பேசியதாக (அமரர்) பிரமீள் எழுதியிருக்கிறார் என்று நினைக்கிறேன்.விபரம் நினைவில் இல்லை. இவையெல்லாம் தவிர,திராவிட இயக்க வரலாறு பற்றிய புரிதலுக்கு அயோத்திதாசர் எழுதிவை, தலித் இயக்கங்கள் வரலாறு, ரெட்டமலை சீனிவாசன் போன்றோரின் வாழ்க்கை வரலாறு,அம்பேத்கர் வாழ்க்கை வரலாறு உட்பட மேலும் பலவற்றை படிக்க வேண்டும் என்பது என்பது என் கருத்து.

கருத்து சொல்ல எதையும் படிக்க வேண்டாம் அல்லது மிகக்குறைவாக படித்தால் போதும் என்பது சிலரது கருத்து மற்றும் செயல் முறையாக இருக்கலாம்.நான் ‘ரைட்டர்’,‘அறிஞர்’ அல்லன்,சாதாரணன்,சாமான்யன்.

[என் நினைவு சார்ந்து இதை எழுதியுள்ளேன்.விடுபடல்கள்/பிழைகள் இருக்க வாய்ப்புண்டு]

Labels: , , , , , ,

1 மறுமொழிகள்:

Anonymous Cuziyam மொழிந்தது...

What is your opinion about the series on Dravidian Movement that came in www.tamilhindu.com site?

The link is: http://www.tamilhindu.com/author/subu/

The series has come as a book titled "Dravida Maayai". :)

4:31 AM  

Post a Comment

<< முகப்பு