வார்த்தை வாழ்க்கை விளையாட்டு

வார்த்தை வாழ்க்கை விளையாட்டு

'செய்திகளைப் படித்துவிட்டு அகராதிகளைப் புரட்டாதீர்கள். வார்த்தைகள் வார்த்தைகள் வார்த்தைகள் அறிக்கைகள் அறிக்கைகள் அறிக்கைகள் . சொல்லும் செயலும் வேறு என்பதை விட செய்யப்படுபவை எல்லாம் சொல்லப்படுவதில்லை, சொல்லப்படாதவையே செய்யப்படும் என்றும் யாரும் சொல்வதில்லை. நடப்பது விளையாட்டு, வார்த்தை விளையாட்டு. வார்த்தைகள் மூலம் வாழ்க்கைகளுடன். அதை யாருடன் யார் விளையாடினால் என்ன நம்முடன் விளையாடாதவரை என்று எண்ண வேண்டாம். ஏனெனில் உங்களுக்கு தெரியாமல் உங்களுடன் அந்த விளையாட்டுகளை நடத்திக் கொண்டிருந்ததை தோற்ற பின்தான் அறிவீர்கள்.'

இப்படிச் சொல்லிவிட்டு வசிட்டர் எழுந்தார் சபை கலையட்டும் என்றார். சபை கலைந்தது.

காண்டத்தின் அடுத்த பகுதி எப்போது படிக்கப்படும் என்று கேட்டேன். படிக்கப்படும் போது குறுஞ்செய்தி வரும் என்று ஏடு படிப்பவர் சொல்லி விட்டு அமெரிக்கா செல்ல விசா வாங்க சென்னை விரைந்தார். ஒபாமாவிற்கு ஏடு படிக்கப் போகிறேன் என்றார். G 20ன் அடுத்த
கூட்டதிற்கு முன்பு அவருக்கு ஏடு தேடிப்பிடித்து படிக்க வேண்டும் என்றார்.

என் ஏடு என்னவாயிற்று என்றேன். ஏட்டில் விளைந்த சுரைக்காயுடன் விற்று விட்டேன். வாங்கியவன் ஏட்டை என்ன செய்தான் என்று தெரியாது என்றார். அப்படியானால் நான் எதிர்காலம் எப்படி அறிவது என்றேன். காலம் கலி காலம், இதில் உனக்கென்ன தனியாக எதிர்காலம். ஊருக்குள்ளது உனக்கு, , எல்லோருக்குமுள்ளது உனக்கு என்றார். ஐயகோ, முனிவர் சொன்ன எதிர்கால பலனை எப்படி இனி அறிவது என்றேன். எதிர்கால பலன்களைச் சொல்லி உன்னை பைத்தியமாக்க வேண்டாம் என்பது முனிவரின் அருள்வாக்கு என்றார்.

அறிந்து பைத்தியமாவவதை விட அறியாமல் பைத்தியமாவது மேல், குணமடைவது சீக்கிரமாகும் என்றார். இப்படியாக் புலம்பிக் கொண்டிருந்தவனை நான் நேற்று கனவில் பார்த்த போது கணிணி வைரஸ் தாக்கி பிரதி பாழான பிரதி தான் என்று ஒயாமல் சொல்லிக் கொண்டிருந்தான். அவன் முகம் பரிச்சயமான ஒன்றுதான், எங்கேயோ பார்த்த முகமல்ல.
ஆனால் யார் முகம் என்றுதான் தெரியவில்லை. முகத்தினை கணினி உதவியுடன் வரைந்திருக்கிறேன், இங்கே இட்டிருக்கிறேன், பார்க்கவும்.இந்த நபரை உங்களுக்காவது தெரியுமா. தெரிந்தால் தகவல் தர வேண்டிய மின்னஞ்சல் முகவரி, ஒ அதுவும் உங்களுக்குத் தெரியுமா.

Labels: , ,

என் உண்ணாவிரதம் முடிவிற்கு வந்தது

என் உண்ணாவிரதம் முடிவிற்கு வந்தது

இனிய கடன் பிறப்புகளே, கொலஸ்ட்ராலின் கொலாஸ்ட்ரால்களே, என்னை வாழவைக்கும் தாய்குலமே, பெரியோர்களே, ஆன்றோர்களே, உங்கள் அனைவருக்கும் வணக்கம்.

நான் மேற்கொண்ட உண்ணாவிரதம் முடிவிற்கு வந்தது. உண்ணாவிரத்த்தினை கைவிடக் கோரி, கனவில் வந்த ஒபாமா மற்றும் உலக நாடுகளின் தலைவர்களுக்கும், என் சார்பில் பேச வேண்டியவர்களுடன் பேசி அரசு அறிவிப்பினை உடனே வெளியிடச் செய்தவர்களுக்கும், இன்னும் பல அன்புள்ளங்களுக்கும் நன்றி. கோரிக்கை நிறைவேறும் வரை காலவரையற்ற உண்ணாவிரதம் மேற்கொண்ட உடன் மருத்துவர் அறிவுரைப்படி தலையை பூமியில் சாய்த்து உண்ணாவிரதத்தினை தொடர்ந்தேன். கண் இமைகள் மூடியிருந்தாலும் உள்ளத்தில் 24x 7 ஒடிக் கொண்டிருக்கும் தமிழ் இனம் குறித்த அக்கறைக்கு ஒய்வேது, ஒழிச்சல் ஏது. இவ்வாறாக நேற்றுக் இரவு 11 மணிக்கு துவங்கிய என் காலவரையற்ற உண்ணாவிரதம் கோரிக்கை நிறைவேறியதால் இன்று காலை 6 மணிக்கு முடிவிற்கு வந்தது. ஏமாற்றுவது யாராக இருந்தாலும், ஏமாற்றப்படுவது தமிழினமே என்று நினைத்து ஏமாற்றும் தமிழினத் துரோகிகளுக்கு பதிலடியாக இந்த உண்ணாவிரதம் அமைந்தது என்றே உலகெங்கும் உள்ள தமிழின உணர்வாளர்களும்,பற்றாளர்களும் கருதுகிறார்கள்.

Labels: , ,

என்ன சொல்ல என்ன எழுத :(

என்ன சொல்ல என்ன எழுத :(

எதையும் தாங்கும் இதயம் தமிழர்களுக்கு, ஒன்றல்ல, பல தேவைப்படும் என்று நினைக்கிறேன். நடக்கின்றவை நம்பிக்கை தருவதாக இல்லை. காங்கிரஸின் செய்தித் தொடர்பாளர், cessation of hostilities என்றுதான் சொல்வாராம். அந்தச் சொற்த் தொடரைத்தான் பயன்படுத்துவாராம். ஆர்வெலின் Inside the Whale ல் வரும் ஒரு கட்டுரை நினைவுக்கு வருகிறது. அதில் சொற்றொடர்கள் மூலம் கொடுமையானவைக் கூட
சாதாரணமாக மாற்றப்படுவதை விமர்சித்த்ருப்பார். படையெடுப்பு/ஆக்ரமிப்பு என்று சொல்லாமல் எல்லை சீரமைப்பு என்று சொல்வதைப் போல. ஜெயந்தி நடராஜன் ஆர்வெல்லைப் படித்திருப்பார் என்று நினைக்கிறேன். ஒருவேளை ஆர்வெல் எழுதியதிலிருந்து இப்படியும் சொல்லலாம் என்று தோன்றியதோ என்னமோ. 'வேலை நிறுத்தம் இன்று, நாளை மனிதச் சங்கிலி, அப்புறம் தந்தி' என்று அறிவிக்கும் கலைஞர் கருணாநிதி இனி மின்னஞ்சல் அனுப்புங்கள். பாக்ஸ் (fax) அனுப்புங்கள் என்று அறிவிப்பு விடலாம். அதைப் பாராட்டி தொழில் நுட்பத்தைப் பயன்படுத்தி போராட்டம் நடத்துவதில் கலைஞர் உலகிற்கே வழிகாட்டி என்று வீரமணி தலையங்கம் எழுதுவார். இங்கு நண்பர்களைப் போல் நடிப்பவர்கள் மிக அதிகம், உண்மையான நண்பர்கள் மிகக் குறைவு என்பதை புரிந்து கொள்ள வேண்டியவர்கள் இப்போதாவது புரிந்து கொள்வார்கள் என்று நம்புகிறேன். இந்த அரசியல்வாதிகள்தான் இப்படி என்றால் அறிவுஜீவிகள் என்று சொல்லப்படுவர்கள் செய்யும் அரசியல் அதைவிட மோசமாக
உள்ளது. இதில் வலது, இடது, முற்போக்கு, பின் நவீனம் என்ற முத்திரைகளுக்கு அப்பால் பார்த்தால் பலருக்கு அக்கறை இல்லை, அக்கறை இருப்பதாக காட்டிக் கொள்ளும் பலருக்கு அதை வைத்து தங்களுடைய அரசியலை நடத்துவதே முக்கியமாக இருக்கிறது. யாராவது இந்த அறிவு ஜீவிகள் தமிழிலும், ஆங்கிலத்திலும் எழுதியவற்றை தொகுத்துப் படித்து ஆராய்ந்து, அவர்களின் சார்புகள், மெளனங்கள் குறித்து எழுத வேண்டும்.

கீழ்க்கணடவற்றை உங்கள் கவனத்திற்கு கொண்டு வருகிறேன்.

1)Center Stage for the 21st Century: Power Plays in the Indian Ocean - Robert Kaplan
http://www.foreignaffairs.com/articles/64832/robert-d-kaplan/center-stage-for-the-21st-century
ராபர்ட் காப்லானின் அனைத்துக் கருத்துகளையும் நான் ஏற்கவில்லை. இந்தக் கட்டுரையும், அதையொட்டி நடந்த விவாதமும் சிலவற்றை தெளிவாக்கலாம். தமிழில் இந்தக் கட்டுரை குறித்து எழுதப்பட்டுள்ளதாகத் தெரியவில்லை,என் சிற்றவிற்கெட்டிய வரையில்.

2) Sri Lanka poses India five challenges-Dr. Rajeswari Pillai Rajagopalan-09 March 2009
http://www.observerindia.com/cms/sites/orfonline/modules/analysis/AnalysisDetail.html?cmaid=15981&mmacmaid=15982

இவற்றை முன்னரே சுட்டி எழுதியிருக்க வேண்டும், பிழை எனதே. இன்றைய சூழலில் யார், யார் மீது,எதன்/ஏவற்றின் மீது நம்பிக்கை வைக்க முடியும் என்று தெரியவில்லை. ‘யாரைத் தான் நம்புவதோ பேதை நெஞ்சம், அம்மம்மா பூமியிலே யாவும் வஞ்சம்' என்று சொல்வது மிகையாக இராதோ. இந்தியாவை விமர்சிப்பவர்கள். இந்திய தேசியத்தை விமர்சிப்பவர்கள் வேறு சில தரப்பினரை விமர்சிக்க மாட்டார்கள். இந்திய அரசியல்வாதிகளை திட்டி எழுதும் ம.க.இ.க கோஷ்டி ராஜபக்சேயை வரவேற்ற பிரச்சந்தாவை விமர்சித்து ஒரு வார்த்தை கூட எழுதாது.

தமிழவன் பிராமண எதிர்ப்பு அரசியலுக்கு ‘அறிவார்ந்த' காரணங்களை ‘கண்டுபிடித்து' எழுதுவார். அதற்கு பிறர் துயரமும், அவலமும்தான் கிடைத்ததா என்று கேட்கக் கூடாது. 'பின் நவீனத்துவ' அறம் அதுதான் போலும். இப்படி மெளனங்கள், பக்க சார்புகள் என்பதுதான் மிக அதிகமாக இருக்கிறது.

இப்படிப்பட்ட நிலையில் என்ன எழுத, என்ன சொல்ல, எழுதி என்ன பயன் என்று தோன்றுகிறது. உண்மையாகச் சொன்னால் விரிவான எழுத நினைத்தேன். எழுதும் மன நிலையில் இல்லை.

Labels: , , , ,

போர்ஹே, கதை, கணிதம் : கற்பனையும், அப்பாலும்

போர்ஹே, கதை, கணிதம் : கற்பனையும்,அப்பாலும்

போர்ஹே எழுதிய பாபெலின் நூலகம் (Library of Babel) என்ற சிறுகதை புகழ் பெற்றது. இது தமிழில் மொழிபெயர்க்கப்பட்டுள்ளதா என்று தெரியவில்லை. கடந்த சில ஆண்டுகளில் வெளியான நூற்களின் பட்டியல்களை துழாவிய போது ஒரு புத்தகத்தின் தலைப்பு ஆர்வமூட்டியது. மேல் விபரங்களைத் தேடினேன். அது அந்தக் கதையையும், கணிதத்தையும் இணைத்து எழுதப்பட்ட நூல்-The Unimaginable Mathematics of Borges’ Library of Babel- William Goldbloom Bloch –Cambridge University Press-2008 அதன் அட்டைப்படம், உள்ளடக்கப் பட்டியல் இடுகையின் இறுதியில். அதைப் பார்த்தவுடன் எனக்கு நினைவில் உதித்த பெயர் Douglas Hofstader.

Gödel, Escher, Bach: An Eternal Golden Braid, The Minds I, Metamagical Themas –
இந்த நூற்களைப் படித்து விட்டு பிரமிப்புடன் திரிந்த காலமும் உண்டு. இந்த மூன்றையும் எழுதிய/பதிப்பாசிரியராக இருந்த Douglas Hofstader அதற்குப் பின் எழுதிய Fluid Concepts & Creative Analogies ஐ நான் இன்னமும் படிக்கவில்லை. கிட்டதட்ட 30 ஆண்டுகளுக்கு முன் வந்த நூல் Gödel, Escher, Bach: An Eternal Golden Braid. அது எனக்கு கிடைக்கும் போது Metamagical Themas என்ற நூலும் வெளிவந்து விட்டது என்று நினைக்கிறேன். Douglas Hofstader ன் நடையும், அவர் பிற நூல்களை குறித்து தந்துள்ள குறிப்புகளும், பல்துறை கருத்துக்க்களை கையாளும் விதமும் என்னை வியப்பில் ஆழ்த்தின. இப்படியெல்லாம் நூல்கள், இப்படியெல்லாம் சிந்தனைகள், துறைகள் தாண்டிய பார்வைகள், துறைகளையும், சிந்தனைக் கோலங்களையும் சேர்க்கும் பார்வைகள், என்று ஆச்சரியப்பட வைத்தன.

இன்றும் வியப்பளிக்கும் எழுத்து அவரது. அவர் எழுதிய I Am a Strange Loop (2007) படிக்க வேண்டிய நூற்களின் பட்டியலில் இருக்கிறது. ஒவியங்கள் குறித்து இயற்பியல் நோக்கில் எழுதப்பட்ட ஒரு நூல், பல ஆண்டுகளுக்கு முன்பு படித்தது, யார் எழுதியது என்று நினைவில்லை. அதுவும் வியப்பில் ஆழ்த்திய நூல்.Katherine Hayles, Donna Haraway – இருவரின் எழுத்துக்களும் இலக்கியம், அறிவியல்,அறிபுனை,தத்துவம் என பல்துறைகளைத் தொட்டுச் செல்பவை. இவற்றை நான் விரும்பிப் படிக்க அதுவும் ஒரு காரணம்.

நூலை புரட்டிப் பார்த்தேன், படங்கள், சமன்பாடுகள் என்று படிக்கத்தூண்டுவதாக இருந்தது. உடனே இல்லாவிட்டாலும் சீக்கிரம் படிக்க வேண்டிய (நீண்ட) பட்டியலில் சேர்த்து விட்டேன். இந்த இடுகையைப் படிப்பவர்களில் யாருக்காவது அதைப் படிக்க வாய்ப்பிருந்தால் தவறவிடாதீர்கள். இன்னொரு நூலைப் பற்றியும் இங்கு குறிப்பிடத் தோன்றுகிறது.அதைப் பற்றி வேறொரு சந்தர்ப்பத்தில்.

The Unimaginable Mathematics of Borges’ Library of Babel
William Goldbloom Bloch
Cambridge University Press 2008

Acknowledgments vii
Preface xi
Introduction xvii
The Library of Babel 3
Chapter 1 Combinatorics: Contemplating Variations of the 23 Letters 11
Chapter 2 Information Theory: Cataloging the Collection 30
Chapter 3 Real Analysis: The Book of Sand 45
Chapter 4 Topology and Cosmology: The Universe (Which
Others Call the Library) 57
Chapter 5 Geometry and Graph Theory: Ambiguity and Access 93
Chapter 6 More Combinatorics: Disorderings into Order 107
Chapter 7 A Homomorphism: Structure into Meaning 120
Chapter 8 Critical Points 126
Chapter 9 Openings 141
Appendix—Dissecting the 3-Sphere 148
Notations 157
Notes 159
Glossary 165
Annotated Suggested Readings 175
Bibliography 181
Index 187

Labels: , , ,

‘புத்தம் புதிய’ புத்தகமே – பட்டியல்-1

‘புத்தம் புதிய’ புத்தகமே – பட்டியல்-1

தொடர்புடைய இடுகை http://ravisrinivas.blogspot.com/2009/04/blog-post.html

இந்த புத்தகங்களில் எவற்றிற்கு முன்னுரிமை தருவேன் என்பதையும் குறிப்பிட்டே இந்த பட்டியலை தருகிறேன்.

1)Acting in an Uncertain World An Essay on Technical Democracy- Michel Callon, Pierre Lascoumes Yannick Barthe-translated by Graham Burchell – MIT Press-2009
Michel Callon Actor-Network-Theory என்ற கோட்பாட்டை உருவாக்கியவர்களுள் ஒருவர். இவர் அண்மையில் எழுதி வெளியான கட்டுரை படிக்கபடாமல் கிடப்பில் இருகிறது :(. முதலில் அதைப் படிக்க வேண்டும்.

2) Altering Nature Vol 2 Edited By B. Andrew Lustig Baruch A. Brody Gerald P. McKenny - Springer 2008
சில கட்டுரைகளை முதலில், பிற தேவையைப் பொருத்து.

3)Alternative Pathways in Science and Industry Activism, Innovation, and the Environment in an Era of Globalization -David J. Hess- MIT Press-2007
பின்னர். ஹெஸ் எழுதிய சில கட்டுரைகளை படித்திருக்கிறேன்.

4)Atmospheric Justice A Political Theory of Climate Change-Steve Vanderheiden- Oxford University Press-2008
விரைவில் படிக்க வேண்டும், முக்கியமான நூல்

5)Žižek Beyond Foucault-Fabio Vighi and Heiko Feldner- Palgrave 2008
படித்தேன் என்று பயங்காட்ட பயன்படும்  பின்னர்தான். வன்முறை குறித்து ஜைஸக் எழுதிய நூல் 2008ல் வெளியானது, அதை முதலில் படிக்கலாம் என நினைக்கிறேன். ஜைஸக் என்று துவங்கும் தமிழ்த் திரைப்பாடல் இருக்கிறதா, இல்லாவிட்டால் எழுதிவிட வேண்டியதுதான்.

6)Food for the Few Neoliberal Globalism and Biotechnology in Latin America Edited by Gerardo Otero- University of Texas Press -2008
முக்கியமானது, படிக்க வேண்டும்

7)The Regulatory Challenge of Biotechnology Human Genetics, Food and Patents- Edited by Han Somsen- Edward Elgar-2007
முக்கியமானது, சில கட்டுரைகள் முதலில்

8)BODIES, COMMODITIES, AND BIOTECHNOLOGIES-LESLEY A. SHARP- Columbia University Press -2007
சிறிய நூல், நேரம் கிடைப்பதை பொறுத்து,

9)Commerce in Culture: States and Markets in the World Film Trade- Andrew J. Flibbert-Palgrave-2007
உடனடியாக இல்லை, ஆனால் தேவையான நூல்.

10)On the Internet- HUBERT L. DREYFUS-Routledge-2009
முன்னுரிமை இல்லை என்ன எழுதியிருப்பார் என்பதை ஊகிக்க முடிகிறது .

11)Courting Social Justice JUDICIAL ENFORCEMENT OF SOCIAL AND ECONOMIC RIGHTS IN THE DEVELOPING WORLD Edited by Varun Gauri ,Daniel M. Brinks – Cambridge University Press-2008
சில கட்டுரைகள் முதலில், பிற தேவையைப் பொருத்து

12)Critical Theorists and International Relations Edited by Jenny Edkins and Nick Vaughan-Williams-Routledge-2009
உடனடியாக முடியாது, பின்னர் நிதானமாக.

13)Cultural Heritage and Human Rights-Edited By Helaine Silverman, D. Fairchild Ruggles-Springer-2007
சில கட்டுரைகள் முதலில்.

14)ENDS IN SIGHT Marx/Fukuyama/Hobsbawm/Anderson-Gregory Elliott- Pluto Press-2008
முன்னுரிமை இல்லை. லியோதார்த்தையும், பூகுயாமாமாவையும் போட்டு குழப்பி அடிக்கும் தமிழவனுக்கு இதைப் பரிந்துரைக்கலாமா?.

15) Achieving Human Rights-Richard Falk- Routledge 2009
பால்க்கின் எழுத்துக்களுடன் பரிச்சயம் உண்டு. பின்னர்.

16)Genetic Democracy Philosophical Perspectives-Edited by VEIKKO LAUNIS ,JUHA RÄIKKÄ - Springer -2008
படிக்க வேண்டும், எவ்வளவு சீக்கிரம் முடியுமோ அவ்வளவு சீக்கிரம்

17)Insatiable Curiosity Innovation in a Fragile Future-Helga Nowotny -Translated by Mitch Cohen-MIT Press-2008
படித்தாகிவிட்டது

18)Metaphors of Globalization-Mirrors, Magicians and Mutinies Edited by Markus Kornprobst, Vincent Pouliot, Nisha Shah, Ruuben Zaiotti – Palgrave-2008
சில கட்டுரைகள் முதலில்

19)Global Science and National Sovereignty -Edited by Grégoire Mallard, Catherine Paradeise and Ashveen Peerbaye-Routledge-2009
ஒரிரு கட்டுரைகள் முதலில்.

20)Human Genes and Neoliberal Governance A Foucauldian Critique -Antoinette Rouvroy-Routledge-2008
பின்னர், இத்துடன் சேர்த்து படிக்க வேண்டிய நூல்களும் உண்டு.
நிதானமாக படிக்க வேண்டும். பூக்கோவிற்கு இப்போது முன்னுரிமை தர இயலாது . அடுத்தப் பிறவில் தமிழனாகப் பிறந்தால் பூக்கோ தாசன் என்ற புனை பெயரில் வெண்பா புனையலாம் :).

21)Reading Karl Polanyi for the Twenty-First Century Market Economy as a Political Project-Edited by Ays¸e Bug˘ra ,Kaan Ag˘artan- Palgrave-2007
இதில் படிக்க விரும்பிய இரண்டு கட்டுரைகளை படித்தாகிவிட்டது, பிற பின்னர், அவசரமில்லை

22)When Species Meet- Donna Haraway-University of Minnesota Press-2008
உடனடியாக இல்லை, பின்னர்.

23) Understanding Affirmative Action- J. Edward Kellough- Georgetown University Press- 2006
உடனடியாக படிப்பதாக இல்லை , ஆனால் கட்டாயம் படிக்க வேண்டும்.

24) The Oxford Book of MODERN SCIENCE WRITING- RICHARD DAWKINS-
Oxford University Press-2008- பலர் எழுதிய கட்டுரைகளிலிருந்து பகுதிகள். மெதுவாக பின்னர். 60+ வயதில் படித்துக் கொள்ளலாம் . பத்ரி, அருள் செல்வன், (கனடா) வெங்கட் –இதை படித்திருக்ககூடும்.

25) Rethinking Expertise HAR RY COL L INS, ROBERT EVANS- The University of Chicago Press 2007
உடனடியாக இல்லை, படிக்க வேண்டிய நூல். Expertise குறித்த வேறு சில நூல்களுடன் சேர்த்து படிக்க வேண்டும்.

26)Theories of the Information Society-Third edition-Frank Webster- Routledge , 2007
முந்தைய பதிப்புகளைப் படித்திருப்பதால் உடனே படிக்க தேவையில்லை. வெப்ஸ்டர், கெவின் கெல்லி இருவரும் எழுதியவற்றை ஒரு காலத்தில் ஒரு சேரப் படித்தேன். கணினிமயமாக்கம், தொழில்நுட்பம், கல்விம் தகவல் சமூகம் குறித்த புரிதலுக்கு உதவின.

27) Trouble with Strangers : A Study of Ethics- Terry Eagleton- Wiley-Blackwell-2009
முன்னுரிமை இல்லை.அவரது Meaning of Life என்ற சிறிய அறிமுக நூலை அண்மையில் படித்தேன். ஈகிள்டன் மார்க்சிய இலக்கிய விமர்சக வட்டாரங்களில் பெரிதும் மதிக்கப்படுபவர். 11 வருடங்களில் 8 புத்தகங்கள் என்று எழுதிக் குவிப்பவர்.

28)The Slow Food Story-Geoff Andrews-Pluto Press – 2008
Slow Food கோட்பாடு/இயக்கம் பற்றியது. உடனே படிக்கமுடியாது.
பின்னர். ஸ்லோ புட் பற்றி என்பதற்காக ஸ்லோவாக படிக்க வேண்டியதில்லை :)

29) Representing India Ethnic Diversity and the Governance of Public Institutions-Niraja Gopal Jayal- Palgrave-2006
UNRISDக்காக செய்யப்பட்ட ஆய்வின் அடிப்படையில் எழுதப்பட்ட நூல். அவசரமில்லை என்றாலும் ஆண்டிறுதிக்குள் படிக்க வேண்டும்.

30) The Clash Within: Democracy, Religious violence, and India’s future-Martha C. Nussbaum-The Belknap Press of Harvard University Press-2007
வழக்கமான செக்யுலர் பிரச்சாரமாக இருக்குமோ என்ற ஐயம் இருக்கிறது . செக்யுலர், இடதுசாரி,லிபரல்கள் என பலதரப்பாரும் சேர்ந்து இந்த்துவ எதிர்ப்பினை ஒரு academic cottage industry ஆக மாற்றிவிட்டார்கள். எனக்கு இவர்களைக் காட்டிலும் இந்திய மக்கள் மீது அதிக நம்பிக்கை இருக்கிறது. இருந்தாலும் படித்துப் பார்க்க வேண்டும். விரைவாகப் படித்து விடலாம் என்று நினைக்கிறேன். மார்த்தாவின் இன்னொரு நூலும் (Frontiers of Justice : DISABILITY, NATIONALITY, SPECIES MEMBERSHIP) பட்டியலில் இடம் பெறும். அதை முன்னுரிமை கொடுத்து படிப்பதாக இல்லை.

31)Biotechnologies and International Human Rights (Ed) F. Francioni- Hart Publishing-
2007
இன்னும் படிக்கவில்லை. கையில் இருக்கிறது. முதலில் இதை படிக்க வேண்டும். புத்தகத்திலிருந்து ஒரு கை என் தலையில் குட்டுகிறது :)

32) Torture and the Ticking Bomb- Bob Brecher- Blackwell- 2007
சித்திரவதை சரியா, எத்தகைய தருணங்களில் அதை ஆதரிக்க
முடியும், இல்லை அதை முற்றாக நிராகரிக்க வேண்டுமா என்ற விவாதத்தின் ஒரு பகுதியாக இந்த நூலைப் பார்க்கமுடியும். விசாரணையின் போது சித்திரவதை செய்வதை சட்டபூர்வமாக்கலாம் என்று Alan Dershowitz என்ற புகழ் பெற்ற வழக்கறிஞர், பேராசிரியர் எழுதியதற்கான எதிர்வினை இந்த நூல்.

இன்னும் வரும்

Labels: , , ,

‘புத்தம் புதிய’ புத்தகமே

‘புத்தம் புதிய’ புத்தகமே

கடந்த 2/3 ஆண்டுகளில் மற்றும் 2009ல் வெளியாகியுள்ள நூற்களிலிருந்து எதையெல்லாம் படிக்கலாம் என்று ஒரு பட்டியல் தயாரித்துள்ளேன். இதில் புனைவு (கதை,கவிதை, நாடகம், அறிபுனை), handbook/reader/short introduction போன்ற வகைகளில் வெளியான நூற்களை சேர்க்கவில்லை. அவையும் முக்கியமானவைதான். அதைப் பட்டியலிட்டால் நீண்டுவிடும் என்பதால் பட்டியலிடவில்லை.

இந்தியாவில் வெளியான நூற்களையும், தமிழில் வெளியான நூற்களையும் இதில் சேர்க்கவில்லை. அவற்றை தனியாக பட்டியலிட வேண்டும். இந்தத் தெரிவு என் ரசனை/தேவையின் அடிப்படையில் அமைந்தது. நிச்சயமாக இதில் உள்ள அனைத்து நூற்களையும் நான படிக்கப் போவதில்லை, அது சாத்தியமுமில்லை. இதில் உள்ளவற்றில் 10% நூற்களையாவது இந்த ஆண்டின் இறுதிக்குள் படித்துவிட நினைக்கிறேன்/விரும்புகிறேன். தொழில்ரீதியாக நான் படிக்கவேண்டியதையும் இங்கு தரவில்லை. ஆனால் நடைமுறையில் படிக்க கிடைப்பதில் மிகப் பெரும்பான்மையான நேரத்தினை அவற்றை படிக்க மட்டுமே ஒதுக்க வேண்டியுள்ளது.

Bioethics ல் எனக்கு ஆர்வமுண்டு. இருப்பினும் அதில் விவாதிக்கப்படும் அனைத்து கேள்விகள், பிரச்சினைகள் மீது எனக்கு ஒரே மாதிரியான அக்கறை இல்லை. ஆகையால் bioethics பிரிவில் பல நூற்களை நான் இதில் பட்டியலிடவில்லை. இது போல் பல துறைகளில் பல முக்கியமான நூற்கள் இதில் இடம் பெறவில்லை. ஒருவகையில் பார்த்தால் விடுபட்டவைகளின் பட்டியல் மிக நீளமானது. அதை வேறு யாராவது பட்டியலிடலாம் :).

பொதுவாக எனக்கு அறிமுகமான எழுத்தாளர்களின் (ஒரு பரந்த பொருளில்) நூற்களை நான் தேடிப் படிப்பதுண்டு. அந்த வகையில் Helga Nowotny, Donna Haraway, A.Escobar போன்றோரின் நூற்களை இங்கு சேர்த்திருப்பது பொருத்தமானதுதான். Harawayன் எழுத்துக்கள் பல்வேறு துறைகளில் தாக்கத்தை ஏற்படுத்தியுள்ளவை என்பதால் அவர் முக்கியமானவர். அவரின் அனைத்து நூற்களையும் ஒரு சேர வாசிக்க வேண்டும் என்று ஒரு திட்டம் உண்டு.

ஒரு நூலைப் பற்றிய மதிப்புரைகளின் அடிப்படையிலும் நான் அதைப் படிப்பதைப் பற்றி முடிவு செய்கிறேன். சிலரின் எழுத்துகள் மீது எனக்கு தொடர்ந்து அக்கறை இருப்பதால் அவர்கள் என்ன எழுதுகிறார்கள், புதிதாக எழுதியுள்ள நூல், தொகுப்பாசிரியராக வெளிவந்துள்ள நூல் எது/வை என ஒரு கண் வைத்துக் கொள்வதுண்டு. அதன் அடிப்படையிலும் நூற்களை தெரிவு செய்வதுண்டு.

பல நூற்களை கட்டுரைகளில்/ பிற நூல்களில் குறிப்பிடப்பட்டிருப்பதன் அடிப்படையில் தகவல்களை அறிந்து படிப்பது குறித்து முடிவு செய்கிறேன். பல நூல்களை நான் அறிந்து கொள்வது இப்படித்தான். பல சமயங்களில் நூலைப் பற்றி அறிவதற்கும் அதை படிப்பதற்கும் இடையே உள்ள இடைவெளி பல ஆண்டுகள் ஆகிவிடுகிறது. இருப்பினும் மனதில் ஒரு மூலையில் அப்படி படிக்க வேண்டியவை குறித்த உணர்வு இருந்து கொண்டே இருக்கும்.. இப்படி பழைய ‘பாக்கிகள்’ நிறைய உள்ளன.

மதிப்புரைக்கு கிடைக்கும் நூற்களின் பட்டியல்களிலிருந்தும் என் தெரிவினை தொகுத்துக் கொள்கிறேன். இப்படி பல தரவுகளிலிருந்து தெரிவு செய்துதான் இதையெல்லாம் படிக்கலாம் என்று முடிவு செய்ய வேண்டியுள்ளது. வெளியாகும் நூற்களின் எண்ணிக்கையும், வகைகளும் அதிகரித்துக் கொண்டே போகின்ற போது குறைபாடுகள் இருப்பினும் இப்படிப் பட்ட ஒரு தெரிவினை செய்ய வேண்டியுள்ளது.

சில நூற்களில் ஒரிரு கட்டுரைகள் மட்டுமே எனக்குப் புரியும், அல்லது எனக்கு தேவையானதாக இருக்கும், உதாரணமாக 21ம் நூற்றாண்டில் பல துறைகளில் ஐன்ஸ்டினின் தாக்கம்/பொருத்தப்பாடு குறித்த நூலில் ஒரிரு கட்டுரைகளே எனக்குப் புரியும் அல்லது எனக்கு தேவையானதாக இருக்கும். சில நூல்களில் உடனடியாக ஒரிரு கட்டுரகளை மட்டும் படித்துவிட்டு பிறவற்றை பின்னர் படிக்க ஒதுக்கிவிடுவேன். அத்தகைய நூற்களையும் இந்தப் பட்டியலில் தந்துள்ளேன். சிலருக்கு அவை ஆர்வமுட்டக் கூடியதாக இருக்கும் என்பதால்.

Obsessive Book buying disorderக்கான சிகிச்சையின் ஒரு பகுதியாக, நூற்கள் வாங்குவதை கிட்டதட்ட நிறுத்திவிட்டேன் :) [இதைச் சொல்வதையும் நிறுத்தி விட வேண்டியதுதான் :)]காபி குடிக்க, பொம்மை வாங்கக்கூட புத்தக கடைகளுக்குள் போவதில்லை :).

நூலகங்கள், நண்பர்கள் மூலம் மற்றும் மதிப்புரைக்கு கிடைக்கும் நூற்களை படிக்க நேரமில்லாத போது நூற்களை வாங்கி குவிப்பதில் விருப்பமில்லை. மேலும் கட்டுரைகள், அறிக்கைகள் மற்றும் முதுநிலைப்பட்ட, முனைவர் பட்ட ஆய்வேடுகள் என பல்வேறு வகைகளில் கிடைப்பதை நேரம் இருப்பதில்லை. எனவே நூற்களையும், இவற்றையும் படிக்க முயலும் போது தேவை, பொருத்தப்பாடு உட்பட பலவற்றையும் கருத்தில் கொண்டே எதைப் படிப்பது என்று தெரிவு செய்ய வேண்டியுள்ளது.

இந்தப் பட்டியல் பகுதிகளாக வெளியாகும். முதல் பகுதி இன்று. இதன் மூலம் பல நூல்களை வாசகர்கள் கவனத்திற்கு கொண்டு வர விரும்புகிறேன். நீங்களும் இதைப் படிக்கலாம் என்று பரிந்துரைக்கும் நூல்களை பின்னூட்டத்தில் இடலாம்.

Labels: , , ,