வி.பி.சிங், அ.மார்க்ஸ், தேசப்பற்று,மானுட நேயம்

வி.பி.சிங், அ.மார்க்ஸ், தேசப்பற்று,மானுட நேயம்

1)வி.பி.சிங் குறித்து கிருஷ்ண அனந்த் எழுதியுள்ள கட்டுரை இங்கே, வெங்கிடேஷ் ராமகிருஷ்ணன் கட்டுரை இங்கே.

சிங்கை புனிதராக காட்ட தமிழ்ச் சூழலில் முயற்சி செய்யப்படும் போது அவரது அரசியல் பற்றி அனந்த் சிலவற்றை சுட்டிக்காட்டுவது கவனத்திற்குரியது. ஷா பானு சர்ர்சையை தொடர்ந்து சட்டத்திருத்தம் கொண்டு வரப்பட்ட போது வி.பி.சிங் கட்சி விசுவாசியாக இருந்தார், அதை ஆதரித்தார். அவர் ஆரிப் முகமது கானை தவிர்த்து சையத் ஷாபூதினை தன் பிரச்சாரத்திற்கு பயன்படுத்தியதை அனந்த் குறிப்பிடுகிறார்.தனிப்பட்ட முறையில் சிங் நேர்மையானவர் ஆனால் அவர் ஆதரித்த/முன்னிறுத்திய அரசியல்வாதிகளை குறித்து அப்படி சொல்ல முடியுமா?. சிங் ஏதோ பதவி ஆசையே இல்லாத வித்தியாசமான அரசியல்வாதி என்பது கட்டுக்கதை.மண்டலை அவர் கையில் எடுத்ததும் உட்கட்சி அரசியலில் தன் செல்வாக்கினை பலப்படுத்தவே. நவம்பர் 89ல் பிரதமரான சிங் ஆக்ஸ்ட் 1990ல்தான் மண்டல் கமிஷன் பரிந்துரைகளை அமுலாக்குவதை அறிவிக்கிறார். பலரை சரிக்கட்டுவதற்காக அவர் செய்த சமப்படுத்துவம் செய்கைகளும் அவர் எத்தகையவர் என்பதை அறிய உதவுகின்றன. இவற்றையும் அனந்த்தின் கட்டுரை சரியாகவே சொல்கிறது.

ராமகிருஷ்ணனின் கட்டுரையில் இதையும் குறிப்பிடுகிறார்
However, at one level, V.P. Singh was unhappy that almost all the votaries of Mandal politics were running political organisations that were devoid of structured functioning or internal democracy. “The structure of almost all these parties is indeed a travesty of the social justice slogan,” he used to comment wryly.

வி.பி.சிங் சஞ்சய் காந்தியின் விசுவாசி, இந்திரா குடும்பத்து விசுவாசி. போபார்ஸ் பிரச்சினை எழுந்திராவிட்டால் அவர் காங்கிரசில் தொடர்ந்து இருந்திருப்பார். அவர் தனிப்பட்ட முறையில் நேர்மையானவர், பதவியில் இல்லாத போதும் ஏழைகள்,விவசாயிகள் பக்கம் நின்றவர் போன்றவற்றிற்காக அவரை மதிக்கிறேன். அவரை ஒரு புனித திரு உருவாக ஏற்க முடியாது.

மண்டல் கமிஷன் பரிந்துரைகளை அமுல் செய்ததை அப்போது ஆதரித்தேன்.பின் என் நிலைப்பாட்டில் மாற்றம் ஏற்பட்டது. இட ஒதுக்கீடு தேவை, அது சாதி என்பதன் அடிப்படையில் மட்டும் இருப்பது சரியல்ல என்பது என் கருத்து.சமூக,பொருளாதார,கல்வி நிலை, பாலினம் உட்பட பலவற்றையும் உள்ளடக்கிய ஒரு அளவுமுறை தேவை. அதனடிப்படையில் இட ஒதுக்கீடு தேவை. குறிப்பாக பெண்களுக்கு கல்வி,வேலை வாய்ப்பில் இட ஒதுக்கீடு தேவை.

இந்தியா டுடேயில் அவரைப் பற்றி எழுதப்பட்டுள்ளது சரியான விமர்சனமாக இல்லை.கூற வந்த கருத்துக்கள் சரியாகச் சொல்லப்படவில்லை. மற்றப்படி இந்தியா டுடேயை கண்டிப்பது அவரவர் கருத்துரிமை சார்ந்த ஒன்று. அதற்காக பார்பன இந்தியா டுடே என்பது அபத்தம். சிங்கை பற்றிய அனந்த்தின் கட்டுரையை வெளியிட்ட EPW பார்பன EPW வா? பிரண்ட்லைனை எப்படி வகைப்படுத்துவது?. ஆதவன் கட்டுரையை நான் இன்னும் படிக்கவில்லை.


2) இந்த மாத தீராநதியில் அ.மார்க்ஸ் வழக்கம் போல். பெயர் உதிர்ப்புகளும், அலட்டல்களும் அதிகம். அ.மார்க்ஸ் எழுதியிருப்பது போல் தேசபற்று குறித்த விவாதம்/கருத்துக்கள் முடிந்து போய்விடவில்லை. ஹெபர்மாஸ் சில கருத்துக்களை தேசப்பற்று குறித்து முன் வைத்திருக்கிறார். மார்த்தா நஸ்பெளம் இன்றைய சூழலில் தேசப்பற்று குறித்து எழுதியிருக்கிறார். அவர் எழுதி இந்தியச் சூழலுக்கு பொருத்தமான கட்டுரை ஒன்றை நான் சுட்ட முடியும். Toward a globally sensitive patriotism என்ற கட்டுரை. இணையத்தில் கிடைக்கிறது. மார்த்தா இதில் காந்தியை முன்வைத்து சிலவற்றை சுட்டிக் காட்டுகிறார். தேசப்பற்று என்பது மானுட நேயத்திற்கு எப்போதுமே விரோதம் என்பதாக கட்டமைப்பது எவ்வளவு அபத்தம் என்பதை இந்தக் கட்டுரையை படித்தால் தெரிய வரும். இன்னும் சிலவற்றையும் சுட்டிக் காட்டமுடியும். habermas, constitutional patriotism என்று தேடுங்கள். மற்றப்படி அ.மா எழுதியிருப்பதில் உள்ள அபத்தங்களை விவாதிக்க எனக்கு நேரமில்லை.

Labels: , , ,

3 மறுமொழிகள்:

Blogger Boston Bala மொழிந்தது...

fyi: V. P. Singh, a Leader of India Who Defended Poor, Dies at 77 - Obituary (Obit) - NYTimes.com

2:01 PM  
Blogger Boston Bala மொழிந்தது...

one more A paradox called VP Singh - Views - livemint.com: "VP Singh’s last active years in national politics were the darkest the country had ever seen since independence"

2:03 PM  
Anonymous Anonymous மொழிந்தது...

கிருஷ்ண ஆனந்தின் இஸ்லாமிய அடிப்படைவாத ஆதரவு நிலைப்பாடு பற்றி நான் காலச்சுவடு இதழில் எழுதியது:

கடமையைத்தான் செய்தேன்: http://www.kalachuvadu.com/issue-103/page77.asp

- ப்ரவாஹன் (செளமிய நாராயணன்)

11:49 PM  

Post a Comment

<< முகப்பு