தமிழ்நாட்டு 'செக்யுலர்' பாசிஸ்ட்கள்

தமிழ்நாட்டு 'செக்யுலர்' பாசிஸ்ட்கள்

தமிழ்நாட்டில் ஆர்.எஸ்.எஸ் அமைப்பு ஒரு பள்ளியில் இரு நாள் கூட்டம் நடத்துவதை இ.கம்யுனிஸ்ட் கட்சி, விடுதலைச் சிறுத்தைகள், மற்றும் தமுமுகவினர் ஆட்சேபித்து அது வன்முறைக்கு இட்டுச் சென்றுள்ளது. ஆர்.எஸ்.எஸ் அமைப்பு தனியார் இடத்தில் கூட்டம்
நடத்துவதை தடுக்க இவர்களுக்கு எந்த உரிமையும் கிடையாது. ஆர்.எஸ்.எஸ் அமைப்பின் கூட்டங்கள் பொது இடத்தில் நடப்பதை காவல் துறை அனுமதிக்கும் போது இவர்கள் தடுக்க உரிமை கிடையாது. ஒரு தனியார் பள்ளியில் நடப்பதில் தலையிட இவர்களுக்கு
உரிமை இல்லை. ஆர்.எஸ்.எஸ் வன்முறையைத் தூண்டினால் காவல்துறையிடம் புகார் செய்ய வேண்டும் அல்லது நீதிமன்றத்திற்கு சென்று வழக்குத் தொடர வேண்டும். அதை விடுத்து இவர்கள் கூட்டம் நடத்தக்கூடாது என்று கூற உரிமை இல்லை. தமுமுகவிற்கு இருக்கும் உரிமைகள் ஆர்.எஸ்.எஸ் அமைப்பிற்கும், பிற இந்த்துவ அமைப்புகளுக்கும் உண்டு. சேலத்தில் பாஜக பொதுக்குழுக் கூட்டம் நடந்த போதும் அதை தடுப்போம் என்று பெரியார் தி.கவும், சில அமைப்புகளும் அதை நடத்த விடமாட்டோம் என்று எதிர்ப்பு தெரிவிக்க முயன்றுள்ளனர். பாஜகவை குறை கூறும் பெரியார் தி.க தஸ்லீமாவிற்கு ஆதரவாக குரல் கொடுக்கவில்லை, ஆதரவு தெரித்து எதுவும் செய்யவில்லை. மாறாக பெரியார் முழக்கம் இந்து-இந்திய விரோத இதழாக இருக்கிறது. இந்த தேச விரோதிகளுக்கு இருக்கும் உரிமை பிறருக்கு கிடையாதா. முன்பு சமண மதத்துறவிகள் ஆடையின்றி செல்லும் போது பிரச்சினை ஏற்படுத்தியது பெரியார் தி.க. பின்னர் ஜைனர்கள் குறித்து விடுதலை ராஜேந்திரன் விமர்சனம் செய்தார். ஜைனர்கள் இந்த்துவாவிற்கு
ஆதரவாக இருப்பதாக பெரியார் தி.க நம்பலாம், அதற்காக அவர்களுக்கு இடையூறு செய்ய பெரியார் தி.க விற்கு எந்த உரிமையும் இல்லை.

தஸ்லீமாவை இந்தியாவிற்குள் விடாதே, ருஷ்டி இந்தியாவிற்குள் வரக்கூடாது என்று குரல் கொடுக்கும் பாசிச அமைப்பு தமுமுக. ஒளரங்கசீப் குறித்த ஒவியக்ககண்காட்சியை நடக்க விடாமல் தடுத்ததிலும் தமுமுகவிற்கு பங்குண்டு. இதன் தலைவர் இந்தியாவே காஷ்மீரில் நடக்கும் எல்லாப் பிரச்சினைகளுக்கும் காரணம் என்று பேசும் ‘தேச பக்தர்'. சதாம் ஹூசைனின் படுகொலைகளை நியாயப்படுத்திய அமைப்பு தமுமுக. இன்றும் 9/11 தாக்குதலை நடத்தியது இஸ்ரேலின் மோசாத்தும், யூதர்களும் என்று பொய்களை
பரப்பும் அமைப்பு தமுமுக. இவர்கள் சுதந்திரமாக கூட்டம் போடுவார்கள், இந்தியாவை விமர்சிப்பார்கள், ஆனால் ஆர்.எஸ்.எஸ், பாஜக தமிழ்நாட்டில் அறைக்கூட்டம் கூட நடத்தக் கூடாதா?.

இந்திய தேசவிரோதமே உருவான தமிழ் தேசியர்கள், அவர்களுக்கு துணை போகும் அமைப்புகள், பாகிஸ்தானிய விசுவாசியான அ. மார்க்ஸ் உட்பட இந்திய-இந்து விரோதிகளை உள்ளடக்கிய ஒரு கும்பல் தமிழ் நாட்டில் உலவுகிறது. பெரியார் பிறந்த மண்,
அமைதிப் பூங்கா என்று சொல்லிக் கொண்டு மனித உரிமை விரோதமாக செயல்படுகிறது.

இந்த்துவ அமைப்புகளின் கொள்கைகளை நான் ஏற்கவில்லை. அவற்றிற்கும் அடிப்படை உரிமைகள் உண்டு. அதற்கு தடையாக இருக்கும் 'செக்யுலர்' பாசிஸ்ட்களை நான் எதிர்க்கிறேன். மோடி குறித்து எழுதியதுதான் இதற்கும்- மோடிக்கு நான் பூச்செண்டும்
கொடுக்க மாட்டேன், கருப்புக் கொடியும் காட்ட மாட்டேன். ஒரு மாநில முதல்வர், இந்திய குடிமகன் என்ற முறையில் தமிழ் நாட்டிற்கு வந்து செல்லும் அவர் உரிமையை ஆதரிப்பேன். அதே போல்தான் ஆர்.எஸ்.எஸ் அமைப்பிற்கு இருக்கும் சட்டபூர்வமான உரிமைகளை
அங்கீகரித்து அவர்கள் அதை பயன்படுத்திக் கொள்வதை எதிர்க்க மாட்டேன்.

ஹிந்த்துவ அமைப்புகள் இந்த எதிர்ப்புகளை சட்ட ரீதியாக எதிர்கொள்ள வேண்டும்.
அறைக்கூட்டங்களுக்கு பாதுகாப்புக் கோர வேண்டும். அதையெல்லாம் விட முக்கியமான வேலையாக இந்த தேச விரோத, இந்து விரோத கும்பல்களை, அவற்றின் ஆதரவாளர்களை
அம்பலப்படுத்த வேண்டும்.

பாசிசம் என்ற சொல்லை சகட்டு மேனிக்கு பயன்படுத்துதை நான் விரும்பவில்லை.ஆனால் இந்த கும்பல் இதை சகட்டு மேனிக்கு பயன்படுத்தும் போது இந்த கும்பலை எதிர்க்க அதை பயன்படுத்துவது தேவையாகிறது.

Labels: , , ,

6 மறுமொழிகள்:

Blogger thenali மொழிந்தது...

இப்படியெல்லாம் எழுதினா ஆபாச பின்னூட்டம்தான் போடுவோம் சொல்லிட்டன். நடுநிலமைக்கு அர்த்தம் தெரியுமில்லா?

10:05 AM  
Blogger Boston Bala மொழிந்தது...

I am not able to access your blog from Firefox. It freezes my browser and Internet Explorer also behaves erratically.

I suggest you resetting your template to make it simple to load better, faster.

12:01 PM  
Blogger ravi srinivas மொழிந்தது...

Boston Bala,
I have tested in firefox 2.It works fine. I have not tested in
Firefox 3.In IE it works fine
in many machines I have posted
blog entries/moderated comments
on travel.

At times there is a delay in loading.But I dont know whether
it is a template problem or
blogger problem or something
else.I am sorry for the inconvenience caused to you.
Anyway let me check with my
template .

5:20 AM  
Blogger ஹரன்பிரசன்னா மொழிந்தது...

Its working fine in firefox. Baba, I think you r having problem with the content and not with the browser. :P

Ravi, congrats on new stamp on you 'Hindutwa.' Stay and Enjoy. :)))

6:39 AM  
Anonymous Anonymous மொழிந்தது...

/ஆர்.எஸ்.எஸ் வன்முறையைத் தூண்டினால் காவல்துறையிடம் புகார் செய்ய வேண்டும் அல்லது நீதிமன்றத்திற்கு சென்று வழக்குத் தொடர வேண்டும்//........

அப்படியே ஹிந்துக்கு ஒரு லெட்டர் டு எடிட்டர் எழுதிப் போடச் சொல்லுங்கோண்ணா..

8:40 AM  
Blogger enRenRum-anbudan.BALA மொழிந்தது...

முதுகுல தலைகாணி கட்டிக் கொள்ளுங்கள், உங்களை டின் கட்ட "செக்யூலர்" ஆட்கள் வந்து கொண்டிருப்பதாக நம்பத்தகுந்த வட்டாரங்கள் தெரிவிக்கின்றன ;-)

8:41 AM  

Post a Comment

<< முகப்பு