மேய்ச்சல்

தேடினேன் வந்தார்கள்

ஜிம்மி கார்டர் எழுதிய நூலின் மதிப்புரை

மக்கார்த்தியின் மறுபிறப்பு ?

கமாஸும் பாலஸ்தீனத்தின் எதிர்காலமும்

பிறவிக் குறைபாடுகளை தவிர்க்க முடியுமா
சமீரா முனிர்

சமீரா முனிரின் மரணம் (அது தற்கொலையா, கொலையா அல்லது விபத்தா ?) சில கேள்விகளைஎழுப்புகிறது. ஒரு பெண் தன் உடை குறித்த நிலைப்பாட்டினை தெளிவாக எடுத்தத்ற்காக தொந்தரவு செய்யப்படுகிறார், அவரது குடும்பம் அச்சுறுத்தப்படுகிறது. இது நார்வேயில் நடந்தாலும் மத அடிப்படைவாதம் எப்படி ஒரு நாகரிக சமூகத்திற்கு அச்சுறுத்தலாக எங்குமே இருக்கக் கூடும் என்பதற்கு ஒரு உதாரணம். இந்த அடிப்படைவாதத்தினையும் மீறி ஐரோப்பாவில் புது வரலாறு படைத்து வருகிறார்கள் பெண்கள். ஐரோப்பிய அரசுகள் இந்த அடிப்படைவாதத்தினை ஒடுக்காவிட்டால் ஐரோப்பாவில் உள்ள அனைவருக்குமே இவர்களால் ஆபத்து ஏற்படும். ஏனெனில் இவர்கள் தனி மனித சுதந்திரம், விருப்பம், மனித உரிமைகளை மதிப்பவர்கள் அல்லர். இந்த அடிப்படைவாதிகள் ஐரோப்பிய சமூகமும், அரசுகளும் தரும் அனைத்து உரிமைகளையும், சலுகைகளையும் அனுபவித்துக் கொண்டு அவற்றின் மூலமே அடிப்படைவாதத்தினை, தனிமனித உரிமை மறுப்பினை நிலைநாட்ட முயல்கிறார்கள்.

ஆனால் இத்தகையவர்கள் ஐரோப்பாவில் மட்டும் இல்லை. இந்தியாவிலும் இருக்கிறார்கள். இந்திய அரசியல் சட்டத்தின் கீழ் உரிமைகள் கோருவார்கள், அதே சமயம் அவற்றை பெண்களுக்கு மத நம்பிக்கையை காரணம் காட்டி மறுப்பார்கள். உலகெங்கும் மத அடிப்படைவாதம் மனித உரிமைகளுக்கும், நாகரிகமடைந்த சமூகங்களின் விழுமியங்களுக்கும் இன்று ஒரு பெரும் சவலாகஉள்ளது. இந்த உண்மையை நாம் மறந்து விடக் கூடாது.
கோவை ஞானியின் 'தமிழில் நவீனத்துவம் பின் நவீனத்துவம்'

தினமணியில் வெளியான நூல் விமர்சனம்:
எடுத்தேன் படித்தேன்: தமிழில் நவீனத்துவம் பின் நவீனத்துவம்
ந. வேலுசாமி

தமிழில் நவீனத்துவம் பின் நவீனத்துவம் -
ஞானி; பக்.190; ரூ.50; வெளியீடு: காவ்யா,
16-17- வது குறுக்குத் தெரு, இந்திரா நகர்,
2-வது தளம், பெங்களூர்-560 038.

வானம்பாடி எழுத்தாளர்களில் ஒருவரான கி.பழனிசாமி என்கிற கோவை ஞானி படைப்பிலக்கியவாதியும், திறனாய்வாளரும், இதழாசிரியரும், மார்க்சியவாதியும் ஆவார்.

"தமிழில் நவீனத்துவம் பின் நவீனத்துவம்' என்ற இந்நூல் திறனாய்வுக் கட்டுரைத் தொகுப்பாகும். இன்று சிறுகதையும் நாவலும் வளர்ந்து உள்ள நிலையில், ஒரு புதிய உத்தியாக நவீனத்துவம் பின் நவீனத்துவம் படைப்பாளரிடையே கையாளப்படுகிறது. இந்த உத்தியைப் புரிந்து கொள்வது பலருக்குக் கடினமாகத் தோன்றக்கூடும். புரிந்து கொண்டு விட்டால் இதைக் கையாள்வதைப் போல, வேறு எந்த உத்தியையும் லாவகமாகக் கையாள முடியாது என்பதை உணரலாம். இத்தகைய புரிதலுக்கு இந்நூல் உதவுகிறது.
இத்தன்மைத்தான நவீனத்துவம் பின் நவீனத்துவம் என்பதை மிகத் தெளிவாக விளக்கி, அவற்றிற்குப் பொருத்தமான எடுத்துக்காட்டுகளைத் தன் திறனாய்வுத் திறனால் ஞானி கூறியிருப்பதே அலாதிதான்.

தொலைந்துபோன நம்மைத் தேடிக் கண்டுபிடிக்க, நம்மைப் புரிந்து கொள்ள, நம்மை நேசிக்க நவீனத்துவ - பின் நவீனத்துவ இலக்கியங்கள் பயன்படும் என்பது இவர் கூற்று. மார்க்சியம், தமிழ் கலை இலக்கியம், தத்துவம், மனித வாழ்வின் மேன்மை, மகத்துவம் என்று வளரும் சிந்தனைக்குள்ளே இவர் தன்னைத் தொடர்ந்து கரைத்துக் கொண்டிருக்கும் தன்மையை இந்நூல் முழுவதும் பரக்கக் காணலாம்.

""நவீனத்துவம், பின்நவீனத்துவம் என்ற இலக்கிய, மெய்யியல் கோணங்களை மார்க்சியத்திற்கு எதிரானவை என என்னால் பார்க்க இயலவில்லை'' எனக்கூறும் ஞானியின் மார்க்சியத் திறனாய்வில் மார்க்சின் ஆளுமையைவிட மாவோவின் ஆளுமையே விஞ்சி நிற்கிறது.
புதுமைப்பித்தனுக்குள்ளும் நவீனத்துவம் செயல்பட்டது. தமிழை நவீனப்படுத்தியதில் மகாகவி பாரதியின் பங்கு அதிகம் என்றும் புலப்படுத்தியுள்ளார். பின் நவீனத்துவத்தின் ஒரு குரல் பார்ப்பனீயச் சார்பு என்றும், இன்னொரு குரல் தலித்தியச் சார்பு என்றும் வகைப்படுத்தியுள்ளார்.
பின் நவீனத்துவத்தைப் புரிந்து கொள்ள வாசகனுக்கு எல்லையற்ற கற்பனை வளம், பழமொழிகள், புராணக் கதைகள், பழம் மரபுகள் ஆகியவை தெரிந்திருக்க வேண்டும். தமிழவனின்(கார்லோஸ்)" ஏற்கனவே சொல்லப்பட்ட மனிதர்கள்', சுந்தரராமசாமியின் "ஜே.ஜே.சில குறிப்புகள் ' ஆகிய நாவல்களை அடையாளம் காட்டுகிறார்.

தமிழில் கதை கூறும் முறையில் தொடர்ந்து மாற்றங்கள் ஏற்பட்டு வருகின்றன. கதையே கூடத் தவிர்க்கப்படுதலும் இப்போது நடைபெறுகிறது என்கிறார். யதார்த்தவாதம் இருந்தால்தான் பின் நவீனத்துவத்திற்கு அர்த்தம் ஏற்படுகிறது என்பதும் ஞானியின் முடிவாகும்.

""புத்தகம் படிக்கும் வழக்கமும், சமூகம் பற்றிய பிரக்ஞையும் உள்ள வாசகன் இந்நூலின் பக்கங்களின் ஊடே சர்வ சுதந்திரமாகப் பறந்து திரிய முடியும். புதிது புதிதாக ஏராளமாகப் பார்க்க முடியும்'' என்ற பொன்னீலன் அணிந்துரை வரிகளை அப்படியே ஒப்புக் கொள்ளத்தான் வேண்டும்.

---------------------------------------------------------------------------------------------

இந்த நூலை நான் படிக்கவில்லை. இருப்பினும் சில கருத்துக்களை பகிர்ந்து கொள்ள விரும்புகிறேன்.

1, ஜே.ஜே சில குறிப்புகள் நவீனத்துவ நாவல் என்பதே இன்னும் பொருத்தமாயிருக்கும். ஜேஜே யினைகிண்டல் செய்து ஒரு பின் நவீனத்துவ நாவல் சாத்தியம். தமிழவன் எழுதிய நாவலை நான் படிக்கவில்லை.
2,பார்பனிய சார்பு, தலித்திய சார்பு என்று வகைப்படுத்துவதை நான் ஏற்கமாட்டேன். ஏனெனில் பின் நவீனத்துவ கண்ணோட்டம் அடையாளங்களை, இறுகிவிட்ட கருத்தியல்சார் புரிதல்களை கேள்விக்குட்படுத்துவது. அது பார்ப்பனீயமும்,தலித்தியமும் இணையும் புள்ளிகள் என்று கூட சிலவற்றைக் காட்டலாம்.
3,பின் நவீனத்துவத்திற்கு யதார்த்தவாதம் தேவையில்லை, மேலும் பின் நவீனத்துவம் ஒற்றைப் பரிமாண யதார்த்தவாத்தினை கேள்விகுட்படுத்துகிறது. மொழியினால் கட்டப்படும் யதார்த்தவாத பிரதியை அது கட்டுடைக்க முயல்கிறது. யதார்த்த வாதத்தின் எல்லைகளை நமக்குக் காட்டுகிறது. மேலும் பின் நவீனத்துவம் யதார்த்தவாதம் தரும் மயக்கங்களைத் தாண்டி பிரதியை வாசிக்கத்தூண்டுகிறது.
4, ஒரு பின் நவீனத்துவப் பிரதி ஆழ் பொருளைக் கொண்டிருக்க வேண்டும் என்றோ, வாழ்வின் மீது ஒளி காட்டும் என்றோ எதிர்பார்க்கத் தேவையில்லை. அது கலைஞன், உன்னதம், சிருஷ்டி, படைப்பு வாழ்வின் மீது காட்டும் ஒளி போன்ற சிறு பத்திரிகை சொல்லாடல்களை கிண்டல் செய்வதாக இருக்கும். காப்பிய வடிவங்களை அது பகடி செய்யலாம்.

இந்த நூலினை நான் தப்பித்தவறி படித்து விட்டால் பின்னர் எழுதக்கூடும். அவ்வாறு நிகழாதிற்ககொற்றவைக்கு 1008 பால் குடம் எடுப்பதாக வேண்டிக்கொள்ளலாம் அல்லது கண்ணகி கோயிலிற்குபாத யாத்திரை வருவதாக வேண்டிக் கொள்ளலாம் :). அல்லது ஆதி பட்த்தினை 108 முறை பார்ப்பதாக வேண்டிக் கொள்ளலாம் :).
கொற்றவை- குமரிக் கண்டம்

திண்ணையில் வெளியாகியுள்ள நூல் மதிப்புரையில் கரு.ஆறுமுகத் தமிழன்

"தொன்மொழியான தென்மொழி தோன்றிய குமரிக்கண்டத்தைக் கடல்கொண்ட காலம் தொடங்கி, கன்னியாகுமரிவரை மட்டுமாகத் தமிழ்நிலம் குறுகிப்போய்விட்ட இன்றைய காலம்வரையிலான பல்லாயிரம் ஆண்டுகளின் பரப்பைக் களமாகக் கொண்டிருக்கிறது 'கொற்றவை.' "

என்று எழுதியிருக்கிறார்.

குமரிக் கண்டம் என்பது ஒரு கற்பனை.விக்டோரியா காலத்தில் அறிவியலாளர்கள் சிலர்முன்வைத்த கருதுகோள்கள், அனுமானங்களின் அடிப்படையில் எழுந்த புனைவு அது. அந்தஅனுமானங்களும், கருதுகோள்களும் நிராகரிக்கப்பட்டுவிட்ட பின்னும் கூட குமரிக் கண்டம்என்று ஒன்று இருந்ததாக எழுதப்படுவது தொடர்கிறது. இதில் நூலாசிரியர் நிலைபாடு என்ன என்பதை நானறியேன். நூல்
மதிப்புரையாளரின் கருத்துடன் நான் மாறுபடுகிறேன். புனைவுஒரு புதினத்தினை அல்லது கதையை எழுத அடித்தளமாக பயன்படலாம்.
ஆனால் அது புனைவுஎன்பதை தெளிவாக்கிவிட்டு மதிப்புரை எழுதுவதே பொருத்தமானது. மதிப்புரை எழுதியவர் இன்னும் குமரிக் கண்ட புனைவுகளை மெய் என்று நம்பிக் கொண்டிருக்கலாம். ஆனால் உண்மை வேறானது.இன்று அந்த நம்பிக்கையின் அடித்தளம் நொறுக்கப்பட்டுவிட்டது. நானறிந்த வரையில் இன்று குமரிக் கண்டம் என்பது ஒரு புனைவு, வெறும் கற்பனை என்று நிறுவப்பட்டிருக்கிறது.

இவர் தமிழ்ப் பேராசிரியர்என்று தினமணியில் வெளியாகியுள்ள மதிப்புரையிலிருந்து அறிகிறேன். பாட நூல்களில் இன்னும்குமரிக் கண்டம் இருந்தது என்று இருக்கிறதா என்ன?.

சமூக அறிவியல் நிராகரித்த ஏங்கெல்ஸின் ஆதி தாய் வழிச் சமூகம் குறித்த கருத்து இங்கு பெற்றுள்ள செல்வாக்கு, குமரிக் கண்டம் உண்மை என்று இன்னும் நம்பிக்கொண்டிருப்பது , இவற்றை வைத்துப் பார்த்தால் அறிவியலும், சமூக அறிவியலும் புறந் தள்ளி, குப்பைத் தொட்டியில் போட்ட கோட்பாடுகள் இறுதியாக புகலிடம் பெறும் இடம் தமிழ் நாடு, தமிழ் அறிவுச்சூழல் தானா என்றுக் கேட்கத் தோன்றுகிறது.
திண்ணையில் வெளியான கடிதம்

இந்த வாரத் திண்ணையில் வெளியான என் கடிதம்.

திண்ணை ஆசிரியருக்கு

கடந்த இதழில் மலர்மன்னன் எழுதிய கட்டுரை சிலருக்கு அதிர்ச்சி தந்திருக்கலாம்.ஹிந்த்துவ பிரச்சாரத்தினை தொடர்ந்து கவனித்து வரும் எனக்கு அது வியப்பை அளிக்கவில்லை. ஹிந்த்துவவாதிகள் பலர் இதே கருத்தினை கொண்டிருந்தாலும் அதை வெளிப்படையாக சொல்லமாட்டார்கள் அல்லது பூசி மெழுகுவார்கள். மலர்மன்னன் சற்று வெளிப்படையாக எழுதியிருக்கிறார். தலைப்பே (மோகன் தாஸ் கொலையும், அதற்கு நாதுராம் நிறுவிய நியாயங்களும்) அவர் என்ன சொல்ல வருகிறார் என்பதை எடுத்துரைக்கிறது. ஒரு கொலையை நியாயப்படுத்த எவ்வளவு முடியுமோ அவ்வளவு முயற்சி செய்திருக்கும் அவர் மிக வெளிப்படையாக ஆம், கொலை செய்தது சரிதான், அதற்காக அவரும் வருந்தவில்லை, அதை நியாயப்படுத்தும் நானும் வருந்தவில்லை, ஹிந்து சமூகத்தின் நலனுக்காக கொலைகள் உட்பட எதை செய்தாலும் சரிதான் என்றே எழுதியிருக்கலாம்.
பல ஆண்டுகளுக்கு முன் ஒரு ஆர்.எஸ்.எஸ் ஊழியரிடம் காந்தி கொலை செய்யப்பட்டதை விரிவாக விவாதித்த பின் ஒரு கேள்வி கேட்டேன், ஆர்.எஸ்.எஸ்காரர்களில் எத்தனை சதவீதம் பேர் இந்த கொலை நியாயமானது என்று நினைக்கிறார்கள் என்று நீங்கள் கருதுகிறீர்கள். 75% பேர் என்பது அவர் பதில். ஆனால் காந்தியை மிகவும் வெளிப்படையாக ஹிந்து விரோதி என்று சித்தரிப்பது தங்களுக்கு எதிராகப் போய்விடுமோ என்பதால்தான் ஆர்.எஸ்.எஸ் மிகவும் வெளிப்படையாக காந்தியை அவ்வாறு சித்தரிப்பதையும், கொலையை நியாயப்படுத்துவதையும் தவிர்க்கிறதா என்று கேட்ட போது அவரிடமிருந்து ஒரு புன்னகைதான் பதில். நான் சொன்னேன், உங்களால் பெரியாரை இந்து விரோதி, நாத்திகர் என்று பிரச்சாரம் செய்வது எளிது ஆனால் காந்தியை விமர்சிப்பவர்கள் கூட அவரை வெறுப்பதில்லை, கொலையை நியாயப்படுத்தமாட்டார்கள். மேலும் காந்தியை மகான், உதாரண புருஷர், ராம பக்தர் என்று இந்துக்கள் கருதுவதும் உங்களுக்கு இடையூறாக இருக்கிறது. இது உண்மைதானே என்று கேட்டேன். ஆம் என்று ஒத்துக்கொண்டார்.
ஹிந்த்துவ்வாதிகளுக்கு 1948ல் கொலை செய்யப்பட்டபின்னும் காந்தி தலைவலியாக, தொந்தரவாக இருக்கிறார் என்பதற்கு ஒரு உதாரணம்தான் மலர்மன்னன் கட்டுரை. காந்தியை மிக கடுமையாகவிமர்சித்த அம்பேத்காரும், பெரியாரும் அவரை ஒழித்துக்கட்டப்பட வேண்டிய விரோதி என்று ஒருபோதும் கருதியதில்லை. ஆனால் இன்றும் கூட காந்தியை பற்றிய ஹிந்த்துவவாதிகளின் சித்தரிப்பும்,கண்ணோட்டமும் எப்படி இருக்கிறது என்பதற்கு மலர்மன்னன் கட்டுரை உட்பட பல உதாரணங்கள்தரமுடியும். மலர்மன்னன் திண்ணையில் எழுதத்துவங்கிய போது அதை வரவேற்றவர்கள் இக்கட்டுரைகுறித்து என்ன கருதுகிறார்கள் என்பதை எழுத வேண்டும். திண்ணையில் கிட்டதட்ட தனி ஆவர்த்தனமாக ஹிந்த்துவ கச்சேரி செய்து கொண்டிருந்தார் ஒருவர், இப்போது மலர்மன்னன் வேறு. கச்சேரி நன்றாக களை கட்டியிருக்கிறது. அடுத்து 2002ல் குஜராத்தில் நடந்த படுகொலைகளை நியாயப்படுத்தியும், நரேந்திரா ஒரு அவதார புருஷர், கர்ம் யோகி, கீதையின் படி நடந்தார் என்று மலர்மன்னன் கட்டுரை எழுதினால் நான் ஆச்சரியப்பட மாட்டேன்.
மலர்மன்னன் உட்பட பல ஹிந்த்துவவாதிகளின் சொல்லாடல்களில் பரிச்சயம் உடையவர்களுக்கு ஹிந்த்துவவாதிகள் உண்மைக்கு கொடுக்கும் மதிப்பு என்ன என்பது நன்றாகவே தெரியும். இதில்சுப்பிரமண்யன் சுவாமிக்கும், சந்தியா ஜெயினுக்கும், மலர் மன்னனுக்கு பெரிய வேறுபாடு இல்லை.நடையில்தான் மாற்றம் இருக்கும். அதிலும் சந்தியா ஜெயினின் (கு)தர்க்கத்தினை குறிப்பிட்டுச்சொல்ல வேண்டும்.இவர்களுடைய எழுத்திற்கும் ஹிட்லரின் இனவெறிக்கு ஆதரவளித்து எழுதியJulius Streicherன் எழுத்திற்கும் பல ஒற்றுமைகள் உள்ளன.
நியுரெம்பெர்க் விசாரணையின் போது ஒரு நாசி கூறியது "I think you can score many more successes when you want to lead someone if you dont tell them the truth than if you tell them the truth". மலர்மன்னனின் கட்டுரைகளை படிக்கும் போது இது என் நினைவிற்கு வருகிறது. மலர்மன்னனின் கட்டுரையை படிக்கும் வாசகர்கள் ஆர்கனைசரின் தலையங்கங்களையும் படிக்க வேண்டும், குறிப்பாக கீழ்கண்ட தலையங்கத்தினை
http://www.organiser.org/dynamic/modules.php?name=Content&pa=showpage&pid=109&page=6
அதில் The poor MPs, mostly back benchers did not get even the usual chance that our democracy generously grants to even the most despicable criminals like Abu Salem or Shahabuddin.என்று குறிப்பிப்படுகிறது.இது எந்த அளவு உண்மை என்பதை வாசகர்களே தீர்மானித்துக்கொள்ளட்டும்.

அயோத்திதாசரை இப்போது சிலர் புகழ ஆரம்பித்திருக்கிறார்கள், பெரியாரை திட்டிக்கொண்டே. இவர்கள் அயோத்திதாசர் குறித்து அலேஷியஸ் வைத்துள்ள விமர்சனங்களையும்,அயோத்திதாசர் குறித்து எழுந்துள்ள விமர்சனங்க¨,விவாதங்களை பிறர் படிக்கிறார்கள் என்பதை நினைவில் கொள்வது நல்லது. போகிற போக்கில் அவர்களுடைய இந்த பட்டியலில் அயோத்திதாசருக்கு அடுத்து ரவிக்குமார் இடம் பெற்றால் வியப்பில்லை.
ஒரு பழைய செய்தி

திண்ணையில் 2003ல் குறிப்புகள் சில என்ற பெயரில் ஒரு பத்தி எழுதினேன்.அதில் வெளியான குறிப்பு ஒன்று உங்கள் பார்வைக்கு இப்போது மீண்டும் தரப்படுகிறது.

தேகம் என்ற மொழிமாற்று திரைப்படம் மீண்டும் திரையிடப்பட உள்ளது.கடந்த மாதம் இது திரையிடப்பட்ட போது காங்கிரஸ்காரர்கள் ஆர்ப்பாட்டம் செய்து, ஆட்சேபம் தெரிவித்த்தால் இது திரையிடப்படுவது நிறுத்தப்பட்டது. காங்கிரஸ்கார்கள் ஆட்சேபிக்க காரணம்- படத்தில் சோனியா, பிரியங்கா, கமல் நாத் என்ற பெயர்கள் பாத்திரங்களுக்கு இருந்த்து. வில்லி பாத்திரத்திற்கு சோனியா அல்லது பிரியங்கா என்று பெயர் இருந்தால் அதை தடுத்து நேரு பரம்பரையின் புகழைக் காக்க வேண்டியது காங்கிரஸ்காரர்கள் கடமையல்லவா.அன்று இதை ஆதரித்தவர் காங்கிரஸ் கட்சியின் சட்டமன்ற தலைவர் சோ.பாலகிருஷ்ணன். அவர்தான் சில வாரங்கள் கழிந்த பின்னர் ஹிந்துப் பத்திரிகை விவகாரத்தில் கருத்து சுதந்திரம் குறித்து அறிக்கை விட்டவர். பாய்ஸ் படத்தை தடை செய்யக் கூடாது, அது கலைஞர்களின் சுதந்திரத்தில் தலையிடுவதாகும் என்று தெரிவித்த ப.சிதம்பரம் தேகம் படம் காங்கிரஸ்காரர்கள் காட்டிய எதிர்ப்பால் திரையரங்குகளிலிருந்து விலக்கிக் கொள்ளப்பட்டது குறித்து எதிர்ப்புத் தெரிவித்ததாகத் தெரியவில்லை.இப்படத்திற்கு விளம்பரம் கிடைக்க காங்கிரஸ்காரர்கள் உதவி செய்துள்ளனர். இப்போது பாத்திரங்களுக்கு என்ன பெயர்கள் வைத்துள்ளார்கள் என்பதை நானறியேன். ஆனால் பிபாஷா பாசு என்ற அழகுப்பிசாசின் (வார்த்தை உபயம் தமிழ் நாளேடு ஒன்று) தேகம் காரணமாக பிரபலமடைந்த ஜிஷ்ம் என்ற இந்திப் படத்தின் தமிழ் மொழிமாற்றுப்படம் தேகம். இந்த ஒரு விஷயத்திலாவது காங்கிரஸ்காரர்கள் ஒற்றுமையாக செயல்படுகிறார்களே என்றுதான் நினைக்கத் தோன்றுகிறது :).

நுழைவுத் தேர்வு ரத்தும்....

பிளஸ் 2 படித்த பின் பொறியியல்,மருத்துவம் போன்றவற்றைப் படிப்பதற்கு நுழைவுத் தேர்வுகள் அறிமுகப்படுத்தப்பட ஒரு காரணம் அனைத்து மாணவர்களும் ஒரே பாடத்திட்டத்தின் கீழ்படிப்பதில்லை.கேந்திரிய வித்தியாலயா என்ற பெயரில் மத்திய அரசின் மானுடவள மேம்பாட்டுஅமைச்சகத்தின் கீழ் உள்ள தன்னாட்சி பெற்ற அமைப்பினால நடத்தப்படும் பள்ளிகள் உட்படபல பள்ளிகள் சென்டர் போர்ட் ஆப் செகன்டரி எடுகேஷன் (CBSE) நடத்தும் தேர்வுகளுக்கு மாணவர்களைதயார் செய்கின்றன.இது தவிர ICSE நடத்தும் தேர்வுகளுக்கும் மாணவர்களை தயார் செய்யும்பள்ளிகளும் இருக்கின்றன. இப்ப்டி மூன்று அமைப்புகள் நடத்தும் தேர்வுகளின் அடிப்படையில்மாணவர்கள் தேர்வு எழுதும் போது ஒரே பாடத்திட்டம் இல்லாததால் நுழைவுத் தேர்வு அவசியமாகிறது. பொறியியல் படிப்புகளுக்கு மாநில அரசு நுழைவுத் தேர்வு தேவையில்லை என்று முடிவு செய்திருக்கிறது.

மருத்துவ படிப்பிற்கு நுழைவுத் தேர்வு தேவை என்று மெடிக்கல் கவுன்சில்ஆப் இந்தியா விதிகள் கூறுகின்றன. இதை தமிழ் நாட்டிற்கு மட்டும் தேவையில்லை என்று தளர்த்தஇயலாது.அதே சமயம் பொறியியல் கல்லூரிகளில் பல ஆயிரம் இடங்கள் காலியாக கடந்த ஆண்டு இருந்ததால், நுழைவுத் தேர்வினால் பாதிக்கப்பட்டு யாருக்கும் இடம் கிடைக்காமால போயிற்றுஎன்று கூற முடியாது. குறிப்பிட்ட பிரிவு, குறிப்பிட்ட கல்லூரிகளில் இடம் கிடைக்கவில்லைஎன்று வேண்டுமானால் கூறலாம். ஆனால் மருத்துவ கல்லூரிகளும், இடங்களும் மிகவும்குறைவு. மருத்துவ படிப்பிற்கு கடும் போட்டி நிலவுகிறது, மாணவர் செலுத்த வேண்டியகட்டணமும் அதிகம். எனவே பிளஸ் 2 தேர்வில் பெற்ற மதிப்பெண்களை மட்டும் வைத்து தேர்வு செய்வதை விட நுழைவுத் தேர்வு வைத்து தேர்ந்தெடுப்பது சரியானதாக இருக்கும். ஆனால் நுழைவுத் தேர்வினை வைத்து அரசியல் நடத்தும் அனைத்து கட்சிகளும் இந்த உண்மைகளை மக்களிடம் கூற விரும்புவதில்லை.

மெடிக்கல் கவுன்சில் ஆப் இந்தியா அன்புமணி சொல்வதைஏற்க வேண்டும் என்ற கட்டாயம் இல்லை. எனவே நுழைவுத் தேர்வினை ரத்து செய்ய வேண்டும்என்ற கோரிக்கையை கவுன்சில் நிரகாரித்தால் அதை காரணம் காட்டி அன்புமணி, பா.ம.கவிற்கு எதிராக பிரச்சாரம் செய்ய ஆளும் கட்சி முயலக்கூடும்.

பொறியியல் கல்லூரிகளில் சேர்க்கைக்கு சிபிஎஸ் இ,ஐசிஎஸ் இ தேர்வு எழுதும் மாணவர்கள்பெறும் மதிப்பெண்களை எப்படி கணக்கில் கொள்வது என்பதை அரசு இன்னும் தெள்ளத் தெளிவாககூறவில்லை.மாநில அரசின் கீழ் உள்ள ஒரு அமைப்பு ஒரு தேர்வு நடத்தும் போது நுழைவுத்தேர்வு மூலம் அனைவருக்கும் பொதுவான ஒரு தேர்வினை வைக்கும் போது இந்த பிரச்சினைஎழாது.ஆனால் அவ்வாறில்லாத போது மாநில அரசின் கணக்கீட்டு முறை தங்களுக்கு பாதகமாகஇருக்கிறது என்ற அச்சம் சிபிஎஸ் இ,ஐசிஎஸ் இ தேர்வு எழுதும் மாணவர்களுக்கு ஏற்பட்டு அவர்கள் நீதிமன்றத்தினை நாடக்கூடும். அப்போது நீதிமன்றம் நுழைவுத்தேர்வுதான் சரியானவழி என்ற தீர்வினை வைக்கலாம். அல்லது அது வேறொரு கணக்கீட்டு முறையை பின்பற்றுமாறுஆணையிடலாம். எது எப்படியாயினும் இந்த ஆண்டு தேர்தல் நடக்கவிருப்பதால் நுழைவுத் தேர்வினை முன் வைத்து அரசியல் செய்யும் கட்சிகள் தாங்கள் கிராமப்புற,பிற்பட்ட, தாழ்த்தப்பட்ட்மாணவர்களுக்காக போராடுகிறோம் என்றத் தோற்றத்தினை உருவாக்க அனைத்து முயற்சிகளையும்செய்வார்கள். நுழைவுத்தேர்வினை நடத்த வேண்டும் என்று நீதிமன்றங்கள், மெடிக்கல் கவுன்சில்உத்தரவிட்டால் பழியை அவர்கள் மீது போடுவது எளிது.

ஆனால் இந்த அரசியல் இத்துடன் நின்றுவிடாது. ஏனெனில் மத்திய அரசு கொண்டு வந்துள்ளஅரசியல் சட்டத் திருத்தம் குளறுபடிகள் நிறைந்தது. அதை நீதிமன்றங்கள் ஏற்குமா என்பதுசந்தேகம். எனவே இந்த ஆண்டும் நுழைவுத்தேர்வு-இட ஒதுக்கீட்டினை முன் வைத்து பல நாடகங்கள் அரங்கேறும்.பாதிக்கப்படப் போவது மாணவர்களும், பெற்றோர்களும்.
எக்ஸிஸ்டென்ஷியலிசம்-எஸ்.வி.ராஜதுரை- ஒரு பதில்

எஸ்.வி.ராஜதுரை எழுதிய எக்ஸிஸ்டென்ஷியலிசம் நூல் எங்கு கிடைக்கும் என்று ஒரு வாசகர் கேட்டிருந்தார். க்ரியா வெளியிட்ட அந்த நூல் இப்போது கிடைக்கிறதா என்று தெரியவில்லை. புத்தக கண்காட்சியில் க்ரியாவின் நூல்கள் கிடைக்கும் புத்தக விற்பனை நிலையங்களில் கிடைக்கவாய்ப்பிருக்கிறது. இதே போல் அவர் எழுதிய அந்நியமாதல் நூலும் முக்கியமான ஒன்று.இதுவும்க்ரியா வெளியீடு. க்ரியா அதிக அளவில் நூற்களை வெளியிடுவதில்லை என்று அறிகிறேன். இவ்விரு நூற்களும் எளிதில் கிடைக்கும் வண்ணம் மறு பதிப்புகள் வெளியானால்இன்னும் பல வாசகர்கள் பயன் பெற முடியும்.

ரவி சிரிநிவாஸின் இஸ்லாமிய தீவிரவாதம்- ஒரு பார்வை என்ற தலைப்பில் ஒரு வலைப்பதிவில் ஒருபதிவு இருப்பதை கவனித்தேன். இதை எழுதியவர் என்னுடைய பதிவினை படித்துப் புரிந்து கொள்ளாமல் தனக்குத் தோன்றியதையெல்லாம் என் கருத்துக்களாக முன் வைக்கிறார். என் பதிவில் இஸ்ரேல்.அமெரிக்கா மீது விமர்சனமும் இருக்கிறது. ஈரானிய குடியரசுதலைவர் கூறியது குறித்த விமர்சனமும் இருக்கிறது. நாசிகள் நடத்திய யூத இனப்படுகொலையை சோம்ஸ்கி போன்றவர்களும் மறுக்கவில்லை என்பது உட்பட வேறு சில கருத்துக்களை ஒரு பின்னூட்டத்தில் குறிப்பிட்டிருந்தேன்.நண்பனால் அதை ஏற்க முடியவில்லை.பின்னூட்டத்தினை நீக்கிவிட்டார். இவர் எழுதும் பொய்களை அம்பலப்படுத்தினால் அதை எதிர்கொள்ள முடியாமல் இவ்வாறு செய்துவிட்டார்.

சில வலைப்பதிவாளர்களுக்கு ரவி சிரிநிவாஸ் அரவிந்தன் நீலகண்டனை, இந்த்துவ அமைப்புகளை விமர்சிப்பது பிடிக்கும், இஸ்லாமிய அடிப்படைவாதம், அவர்களின் வாதங்களை கேள்விக்குட்படுத்தினால் பிடிக்காது, அதுவும் சான்றுகளை கொடுத்துவிட்டால் கேட்கவே வேண்டாம்.அந்த கும்பலில் ஒருவர்தான் நண்பன. நான் என்ன எழுதியிருக்கிறேன் என்பதை படிக்க மாட்டர், புரிந்து கொள்ள முயற்சி செய்ய மாட்டார். ஆனால் பொய்களை அள்ளி வீசுவார், பெரியார் பெயரை பயன்படுத்திக் கொள்வார்.

நான் சொல்லிக் கொள்வது இதுதான் -இந்த்துவத்தினைஎதிர்ப்பது என்ற பெயரில் இஸ்லாமிய அடிப்படை வாதத்திற்கோ அல்லது இஸ்லாம்,கிறித்துவம் குறித்து கண்ணை மூடிக் கொண்டு ஆதரவாக எழுத மாட்டேன். அ.மார்க்ஸ் வேண்டுமானால் இந்த்துவ எதிர்ப்பு என்ற பெயரில் இஸ்லாத்தினை கண்ணை மூடிக்கொண்டு ஆதரிக்கலாம். அது ஆபத்தானதுஎன்பது என் கருத்து. எதிரிக்கு எதிரி நண்பன் என்ற நிலைப்பாடு பல சமயங்களில் மிகவும் அபத்தமான நிலைப்பாடுகளுக்கு இட்டுச்செல்லும் என்பதை நான் நன்கறிவேன். உங்களது திரித்தல்கள், புளுகு மூட்டைகளைக் கண்டு நான் பயப்படமாட்டேன்.

சவுதி அரேபியாவில் உள்ள கண்ணுக்கு கண், பல்லுக்குப் பல் என்ற ' நீதி' யை விமர்சிக்கும் மனித உரிமை அமைப்புகள் புஷ்ஷின்செயல்பாடுகளை, டோனி பிளேயரை, இந்தியாவில் இந்த்துவ அமைப்புகளின் செயல்களை விமர்சித்திருகின்றன, கண்டித்திருக்கின்றன. என் நிலைப்பாடும் அது போன்றதுதான். அத்தகையதண்டனைகளை இன்று எத்தனை நாடுகள் நியாயப்படுத்துகின்றன. இன்னும் எத்தனை நாடுகளில்பழைய ஏற்பாட்டிம் அடிப்படையில் நீதி வழங்கப்படுகிறது. அத்தகைய தண்டனைகள் உலக மனித உரிமை பிரகடனம், சித்திரவதைக்கு எதிரான பிரகடனம் போன்றவற்றிற்கு விரோதமானவை என்பதையாவது நீங்கள் அறிவீர்களா. மரண தண்டனை அமுலில் உள்ள பல நாடுகளில் கூட கல்லாலஅடித்து கொல்லுதல் போன்றவை நடைமுறையில் இல்லை.இன்றும் இஸ்லாமிய நீதிமுறை என்று இதை அமுல்படுத்தும் நாடுகள் உள்ளனவே. இன்னும் சொல்லப்போனால் பிரிட்டன்.அமெரிக்கா, இந்தியா உட்பட பல நாடுகளில் குற்றவியல் சட்டம் மத அடிப்படையில் இல்லை. அது இருந்தால் எப்படி இருக்கும் என்பதற்கு ஒரு உதாரணம் சவுதி அரேபியா. இந்தியாவில் இந்த்துவ அமைப்புகள் இந்து நீதி நூல்களின் படி குற்றவியல் சட்டம் அமைய வேண்டும் என்று கோருவதில்லை. இந்த உண்மைகளை நீங்கள் ஏற்க மறுப்பதால் அவை இல்லாமல் போய் விடாது. உங்களது திரித்தல்கள், புளுகு மூட்டைகளைக் கண்டு நான் பயப்படமாட்டேன்.

எனவே உங்களால் எதிர்ப்பு வாதங்களை ஏற்க முடியாத போல் குறைந்த ப்ட்சம் கூறாததை கூறியதாக திரித்து எழுதாதீர்கள். அப்படி எழுதினால் உங்கள் நம்பகத்தன்மைதான் கேள்விக்குள்ளாகும். ஒரு நரேந்திர மோதியை காரணம் காட்டி உங்கள் தரப்பில் வைக்கபடும் பொய்களை,பலவீனமான வாதங்களை எப்போதும் நியாயப்படுத்த முடியாது.
200+22+? = ??

பிளாக்கர் கணக்கின்படி இது வரை (இந்த பதிவினைச் சேர்க்காமல்) கண்ணோட்டம் என்ற பெயரில்இருக்கும் வலைப்பதிவில் 199 பதிவுகள் இடப்பட்டுள்ளன. சிந்தனை என்ற பெயரில் இருக்கும் வலைப்பதிவில் 22 பதிவுகள் இடப்பட்டுள்ளன. பழைய பதிவில் கிட்டதட்ட 150 பதிவுகள் இருக்கும்என்று நினைக்கிறேன்.நவம்பர் 2003 முதல் தமிழில் வலைப்பதிந்து வருகிறேன். என் பதிவுகளைப்படித்து கருத்து தெரிவித்த அனைவருக்கும் என் நன்றிகள்.
உங்களின் தொடர்ந்த ஆதரவை கோரும் அதே நேரத்தில்
இந்த ஆண்டிலிருந்து தமிழில் வலைப்பதிவு செய்வதைக் குறைத்துக் கொண்டு ஆங்கிலத்தில் வலைப்பதிவு செய்வதில் அதிக கவனம் செலுத்தவிருக்கிறேன் என்பதையும் தெரிவித்துக்கொள்ள விரும்புகிறேன்.

எனவே தமிழ் வலைப்பதிவுகளைப் படிப்பதில், பின்னூட்டம் இடுவதில் செலவழிக்கும் நேரத்தினைக்குறைத்துக் கொள்ளவிருக்கிறேன். இதே போல் தமிழில் எழுதுவதை,படிப்பதை,விவாதிப்பதை இந்த ஆண்டு குறைத்துக் கொண்டு வேறு சிலவற்றில் அதிக கவனம் செலுத்தவிருக்கிறேன்.

இதை பதுங்கல் என்றோ அல்லது பின்வாங்கல் என்றோ அர்த்தப்படுத்திக் கொள்ள வேண்டாம் :)
சோலரிஸ்

ஜனவரி ஒன்றாம் தேதி நான் செய்த குறிப்பிடதகுந்த காரியங்கள் இரண்டு, ஒன்று கேசரி கிளறியது, இரண்டாவது சோலாரிஸ் திரைப்படத்தினைப் பார்த்தது. சோலாரிஸ் நாவலை பல ஆண்டுகளுக்கு முன்பு படித்ததாக நினைவு. மீண்டும் படிக்க வேண்டும். திரைப்படத்தினை இன்னும் ஒரு முறை பார்க்க வேண்டும். வலைப்பதிவர்கள் யாராவது இத்திரைப்படத்தினைப் பற்றி தமிழில் எழுதியிருக்கிறார்களா.

கேசரி சாப்பிட்டு நான் இன்னும் என் மனைவியும் இன்னும் உயிருடன் இருப்பதால் அதையும், சோலாரிஸ் படத்தையும் போட்டுக் குழப்பிக் கொள்ள வேண்டாம் :). நான் ஏன் இப்படிச் எழுதுகிறேன் என்பதைப் புரிந்து கொள்ள அத்திரைப்படத்தினை பார்ப்பது நலம். :)

பி.கு : அதற்கு முன் தினம் பார்த்த படம் பையர்.