பெரியார் சிலையும்,வன்முறையும்

பெரியார் சிலையும்,வன்முறையும்

பெரியார் சிலையை உடைத்தது கண்டிக்கப்பட வேண்டிய செயல். நீதிமன்றம் இடைக்காலத் தடை தராத போது தங்கள் எதிர்ப்பினை அவர்கள் அமைதியான வழியில் காட்டியிருக்க வேண்டும். சிலையை உடைப்பது போன்ற செயல்களில் ஈடுபவர்களை சட்டப்படி தண்டிப்பதே முறையானதாகும். சட்டம் தன் கடமையைச்செய்யட்டும்.

ஆனால் சிலை உடைப்பிற்கான எதிர்வினைகள் எப்படி இருக்கின்றன. சேலத்தில்சங்கர மடத்தில் ஒரு கும்பல் நுழைந்து வன்முறையில் ஈடுபடுகிறது.(2)

விடுதலையில் சிலை உடைப்பினை கண்டித்து அறிக்கை விடும் வீரமணி இதை ஒரு காரணமாகவைத்துக் கொண்டு பிராமணர்கள் மீது வெறுப்பினைத் தூண்டுகிறார்(1) . இந்தச் செயலை செய்தவர்கள் யாராக இருந்தாலும் அதைக் கண்டிக்க வேண்டியதுதான். அதை அனைத்து பிராமணர்களுடன் எதற்கு தொடர்புபடுத்த வேண்டும். தன் மன வக்கிரத்தினைக் காட்டிக் கொள்ள வீரமணிக்குஇது இன்னொரு வாய்ப்பு. பார்ப்பனர்களின் இத்தகைய செயல்பாடுகள் என்று கூறும் வீரமணிபார்பனர்களுக்கு எதிரான உணர்வுகளை இதன் மூலம் தூண்டி விடுகிறார். இந்தக் குற்றத்தினை செய்தவர்கள் யார்,தூண்டியவர்கள் யார் என்பது சரியாகத் தெரியாத நிலையில், இன்னும் காவல்துறையினர் இன்னார்தான் இதைத் தூண்டினார்கள், இன்னார் இதைச் செய்தார்கள் என்பது உட்பட விபரங்களை வெளியிடாத நிலையில் வீரமணி ஒரு குறிப்பிட்ட ஜாதியினர் மீது இப்படி அவதூறு செய்வது எந்தவிதத்தில் நியாயம். இதற்காக அவர் மீது தமிழக அரசு நடவடிக்கை எடுக்குமா.

வலைப்பதிவுகளில் தன்னை இடதுசாரி என்றுக் கூறிக்கொள்ளும் ஒருவர் சிலையை உடைத்தவர்கள் கையை உடைக்க வேண்டும் என்று எழுதினால், பின்னூட்டம் இடும் இன்னொருவர் மண்டையை உடைப்பது, சூறையாடுவது குறித்து எழுதுகிறார்.(3).

இந்த சிலை உடைப்பினை ஒரு காரணமாகக் கொண்டு வன்முறையை ஏவி விடவும் அதை நியாயபட்டுத்தவும் ஒரு கும்பல் அலைகிறது என்று கருத இடம் உள்ளது.அந்த கும்பலைச் சேர்ந்தவர்கள் தங்களை பகுத்தறிவாளர்கள், இடதுசாரிகள் என்று சொல்லிக் கொள்வார்கள். இந்த்துவத்தினை எதிர்ப்பதாக சொல்வார்கள்.

ஆனால் இவர்கள் மனதில் இருப்பது இந்த்துவாதிகள் முன்வைக்கும் வெறுப்பும், அந்த வெறுப்பில் பிறக்கும் வன்முறையும்தான். யார் மீது வெறுப்பு, யார் மீது வன்முறையை ஏவுவது என்பதில்தான் வேறுபாடு.
----------------------------------------------------------------------------------------
(1) தந்தை பெரியார் சிலையைச் சேதப்படுத்தி விடுவதாலேயே அவர்களின் கொள்கையைச் சேதப்படுத்தியதாக அர்த்தமாகி விடாது. இன்னும் சொல்லப்போனால், பார்ப்பனர்களின் இத்தகைய செயல்பாடுகள் தமிழர்கள் மத்தியிலே பார்ப்பன எதிர்ப்பு உணர்வையும், தமிழின உணர்வையும் தூண்டுவதற்குத்தான் இது பயன்படும். பார்ப்பனர்களுக்கு முன்புத்தியும் இல்லை - வழி நடத்த சரியான தலைமையும் இல்லை என்பதும் இதன்மூலம் வெளிப்படுத்தப் பட்டுவிட்டது.

(2) சேலம், டிச. 8: சேலம் மரவனேரியில் உள்ள சங்கர மடத்தில் புதன்கிழமை ஒரு கும்பல் புகுந்து தாக்குதலில் ஈடுபட்டது. அங்கிருந்த சாமி படங்கள் உடைக்கப்பட்டன. இதுதொடர்பாக 5 பேர் கைது செய்யப்பட்டனர்.
ஸ்ரீரங்கத்தில் திறக்கப்படவிருந்த பெரியார் சிலையை சிலர் வியாழக்கிழமை அதிகாலை சேதப்படுத்தினர். இதற்கு கண்டனம் தெரிவித்து சேலம் மரவனேரி சங்கர மடத்தில் உள்ள காஞ்சி காமகோடி ஆஸ்ரமத்தில் ஒரு கும்பல் வியாழக்கிழமை பிற்பகல் புகுந்து, கலவரத்தில் ஈடுபட்டது.
இங்கிருந்த காமாட்சியம்மன் உள்ளிட்ட சாமி படங்கள் உடைக்கப்பட்டன. பூஜை பொருள்கள் தூக்கி வீசப்பட்டன. காஞ்சி சங்கராச்சாரியார் படம் சேதப்படுத்தப்பட்டது. அங்கிருந்த சிவாச்சாரியார்கள் பயந்து ஓடினர். இதனால் அங்கு பெரும் பரபரப்பு ஏற்பட்டது. தகவலறிந்து வந்த அஸ்தம்பட்டி போலீஸôர், மடத்தை சூறையாடிய பாலு, சிவப்பிரியன், தமிழ்ச்செல்வன், டேவிட் (எ) ராஜா, இனியன் ஆகியோரைக் கைது செய்தனர். அவர்கள் தந்தை பெரியார் திராவிடர் கழகம், தமிழ் தேசிய இயக்கம், தமிழக இளைஞர் முன்னணி, தமிழக இளைஞர் இயக்கத்தைச் சேர்ந்தவர்கள் எனத் தெரிவித்தனர். சங்கர மடத்தில் தாக்குதல் நடந்தது தொடர்பாக தகவல் கிடைந்தவுடன், இந்து அமைப்புகளைச் சேர்ந்தோர் அங்கு திரண்டனர்.
கலவரத்தில் ஈடுபட்டோரைக் கைது செய்துவிட்டோம்; போராட்டம் எதுவும் நடத்த வேண்டாம் எனக்கூறி போலீஸôர் அவர்களைச் சமாதானப்படுத்தின

(3) பெரியார் சிலையும்! பாசிச சிந்தனையும்!!

"அதன் விளைவுதான் தமிழகத்தில் சுயமரியாதை சுடரொளியாக திகழ்ந்த பெரியாரின் சிலை இருக்கக்கூடாது என்று உடைத்துள்ள கயவர்களின் கைகள் உடைக்கப்பட வேண்டியதே!"

"அடே பன்றிகளே!!! தமிழகத்தை இந்துத்துவத்தின் கல்லறையாக்குவோம் என்ற புரட்சிகர அமைப்புகளின் முழக்கம் வெற்றி பெறும் என்பதைத்தான் இந்த சிலை உடைப்பு காட்டுகிறது.உங்களது மண்டை உடையும் காலம் இது. ஆகவே ஜாக்கிரதை!!!"

"அதை விட இந்துத்துவ அமைப்புகளின் அலுவலகங்களையும் வாய்ப்பிருந்தால் அவர்களின் மண்டைகளையும் உடைத்தெறிய கோரிக்கை வைப்பதே சாலச் சிறந்தது"

"சிலையை உடைத்ததை நான் தவறு என்றூ சொல்லவே இல்லை. இன்னும் சொன்னால் அவர்கள் இழி பிறவிகள் கோழைகள். தவறு சரி என்று பகுத்துப் பார்க்கும் தேவையற்ற சம்பவம் இது. விசயம் ஆளும் வர்க்க பார்ப்பினியத்தின் திமிர்த்தனம்தான். அதை மண்டையை உடைத்து அனுப்பாமல், சீவி சிங்காரித்து, பூவும் பொட்டும் வைத்து அனுப்பச் சொல்கிறீர்களா?"

4 மறுமொழிகள்:

Blogger சுந்தரவடிவேல் மொழிந்தது...

எல்லாம் ஒரே வெறிதான்:))

6:46 AM  
Blogger We The People மொழிந்தது...

தவறை தவறுகளால் திருத்தமுடியாது என்பதை நம் இன்றைய தலைவர்களும், அவர்களின் தொண்டர்களும் எப்போ புரிந்துக்கொள்ளப்போகிறார்கள்???

I am loosing hope day by day :(((((

7:08 AM  
Blogger Thamizhan மொழிந்தது...

I would like you to note one thing.One Parpanar from near Kudavasal is now called Dayananda Saraswathi had condemend in Coimbatore and the next day 4 people from Coimbatore had come and did the dirty job.That is why Manamigu.Veeramani has issued the statement.He has also issued a statement asking every one to be calm and dont go for any vengence.His cadre will follow but others we dont know.Look at the biased media's portrayal.The statue is atleast a mile away from the temple.Every nook and corner you have temples and statues of all kinds of gods and goddesses.In a big city like Srirengam people need atleast a few reminders to make people think how much money and time they are wasting.

5:33 PM  
Blogger சாத்வீகன் மொழிந்தது...

வென்றது ஆத்திகம்
கடவுளர்களோடு கடவுளாக பெரியார்.
வென்றது பகுத்தறிவு
சிலையுடைக்கும் ஆத்திகர்கள்.

9:39 PM  

Post a Comment

<< முகப்பு