ஒரு வலைப்பதிவும் டைம்ஸ் ஆப் இந்தியாவும்

ஒரு வலைப்பதிவில் தொடர்ந்து பதிவுகள் செய்வதை ஒரு வலைப்பதிவாளர் நிறுத்திவிட்டார் - காரணம் டைம்ஸ் ஆப் இந்தியா சார்பில் வழக்கறிஞர் அனுப்பிய கடிதம்.அவரால் நீதிமன்றத்தில் தன் தரப்பு வாதத்தினை முன்வைத்து வாதாடி வெல்ல முடியுமென்றாலும், ஒரு பெரிய ஊடக நிறுவனத்தின் முன் எதிர்த்து நின்றாலும் தொடர்ந்து இது போன்ற தொந்தரவுகள் வரக்கூடுமென்பதால் அவர் வலைப்பதிவு செய்வதை நிறுத்திவிட்டார். சர்ச்சைகுரிய அந்த 19 பதிவுகளிலும் ஊடகங்கள் குறித்த செய்திகள், ஊகங்கள், கிண்டல்கள் உள்ளன.டைம்ஸ் ஆப் இந்தியா இத்தகைய விமர்சனங்களுக்கு உள்ளாவது முதல் முறையல்ல.

டைம்ஸ் ஆப் இந்தியா இந்தியாவில் மிக அதிகமாக விற்கும் நாளேடுகளில் ஒன்று. மேலும் அதன் உரிமையாளர்களான பென்னட் காலேமென் அண்ட் கம்பெனி ஊடகத்துறையில் இந்நாளேடு தவிர வேறு பல வெளியீடுகளையும் வெளியிடுகிறது.அச்சு ஊடகம் தவிர வானொலி (ரேடியோ மிர்ச்சி), இசை, உட்பட வேறு ஊடகத்துறைகளில் செயல்பட்டுவருகிறது. இதுதான் இந்தியாவில் முதலிடத்தில் இருக்கும் ஊடகக் குழுமம் என்று நினைக்கிறேன். இத்தகைய பலம் வாய்ந்த ஊடகக் குழுமத்தின் முன் ஒரு வலைப்பதிவென்பது எம்மாத்திரம் என்று கருதியும், கருத்துச் சுதந்திரத்திற்கு மதிப்பளித்தும் அவர்கள் இதன் மீது நடவடிக்கை எடுக்கப் போவதாக மிரட்டியிருப்பதை தவிர்த்திருக்கலாம். ஆனால் அவருக்கு அனுப்பப்பட்ட கடிதத்தின் தொனி வேறு விதமாக இருக்கிறது.அவருக்கு அனுப்பப்பட்ட கடிதத்தினை திரும்ப பெறுமாறு கோரி ஒரு கையெழுத்தியக்கம் இணையத்தில் நடைபெறுகிறது.அவருக்கு ஆதரவு தெரிவிக்குமாறு கேட்டுக்கொள்கிறேன்.

பி.கு நான் பார்த்த போது பெட்டிஷன் ஆன் லைன் தளத்தில் அந்த மனுவின் முழுப்பகுதியும் இல்லை.

1 மறுமொழிகள்:

Anonymous Anonymous மொழிந்தது...

TOI is a monster, ruthless and no regards for media ethics.

11:43 AM  

Post a Comment

<< முகப்பு