சுஜாதாவும் வலைப்பூக்களும்

சுஜாதா வலைப்பூக்கள் குறித்து ஆனந்தவிகடனில் எழுதியுள்ளதை http://www.vikatan.com/av/2004/aug/29082004/av0903.htm விமர்சித்து சில வலைப்பதிவாளர்கள் எழுதியுள்ளனர். சுஜாதா ஏதாவது உருப்படியாகச் சொல்லியிருந்தால்தான் ஆச்சரியப்பட வேண்டும். இப்படி மேம்போக்காக, எதையாவது அவர் சொல்வது புதிதல்ல, இது கடைசி முறையாகவும் இருக்கப் போவதில்லை. சுஜாதா கற்றதும் பெற்றதும் பகுதியில் எழுதுவதை விட உருப்படியான விஷயங்கள் வலைப்பதிவுகளில் பதிவாகின்றன. அவர் சிபாரிசு செய்யும் பல கவிதைகளை விட நல்ல கவிதைகளை வலைப்பூக்களில் காணமுடியும். எனவே அவர் சொல்வதை அதிகம் பொருட்படுத்தத் தேவையில்லை. என்னைப் பொருத்தவரை நான் வலைபதிவதை விட அதிகம் வலைப்பூக்களை படிப்பதில் நேரம் செலவிடுகிறேன். சில பேராசிரியர்களின் வலைப்பதிவுகளை படிக்கிறேன்.அவற்றிலிருந்து பல புதிய கருத்துக்களை தெரிந்துகொள்ள முடிகிறது.சில பதிவுகளிலிருந்து சமீபத்திய வெளியீடுகள், வெளிவரவிருக்கும் கட்டுரைகள், மாநாடுகள், கருத்தரங்குகள் போன்றவவை குறித்து தெரிந்து கொள்ள முடிகிறது. அது மட்டுமின்றி வலைப்பூக்களில் நடைபெறும் விவாதங்களையும் படித்தால் வலைப்பதிவு என்பது வெறும் பதிவு மட்டுமல்ல என்பது எளிதில் புலனாகும். நான் படிக்கும் பதிவுகளில் அறிவார்ந்த விமர்சனங்கள், விவாதங்களை காண முடிகிறது.
எனவே வலைப்பூக்களைப் பொறுத்தவரை சுஜாதா - கற்காததும்,பெறாததும் என்று வேண்டுமானால் யாராவது எழுதலாம். வலைப்பூக்கள் வளரும் சுஜாதாவால் அல்ல, அவரது இந்த சிறுபிள்ளைத்தனமான கருத்தையும் மீறி. லட்சக்கணக்கான வாசகர்கள் படிக்கும் ஒரு வார இதழில் அவர் எழுதியுள்ளது வலைப்பூக்கள் குறித்த ஒரு மோசமான அறிமுகத்தைத் தருகிறது. இதற்கு வலைப்பதிவாளர்கள் சேர்ந்து ஆனந்த விகடனுக்கு ஒரு பதிலை அனுப்பலாம்.தமிழ் வலைப்பூக்கள் பட்டியலையும் சேர்த்து அனுப்பலாம். ஒருவிதத்தில் சுஜாதா இவ்வாறு கூறியிருப்பதும், வலைபதியாமல் இருப்பதும் நல்லதுதான். இல்லையெனில் ஒரு ஜால்ரா எழுத்தாளர் சுஜாதாவின் எழுத்தின் தாக்கத்தை தமிழ் வலைப்பதிவாளர்கள் அனைவரிடமும் காண முடிகிறது என்று கூறியிருப்பார். இப்போது அவ்வாறு கூற வாய்ப்புகள் குறைவு.

நீரின்றி அமையாது

எத்தனை பேர் படித்தார்களோ தெரியாது ஆனால் விவசாயம்,நீர் பயன்பாடு குறித்து வைத்தியநாதன், சிவசுப்பிரமணியனுடன் எழுதியுள்ள கட்டுரை கடந்த மாதம் எகனாமிக் அண்ட் பொலிடிக்கல் வீக்லீயில் வெளியாகியுள்ளது.ஜீலை 3 இதழில். தமிழக அரசு சில மாற்றுப்பயிர்களை பரிந்துரைத்துள்ளது. எதிர்கால நீர்த் தேவைகளையும், சாத்தியமாகக் கூடிய விளைச்சலையும் கணக்கில் கொண்டு பயிர்களை பரிந்துரைப்பது நல்லது. நிலத்தடி நீர் அதிகமாக உறிஞ்சப்பட்டு இன்னும் சில நூறு அடிகள் தோண்ட வேண்டும் என்ற நிலையில் இருக்கும் போது மீண்டும் அதே போல் அதிக நீர் தேவைப்படும் பயிர்களை குறிப்பாக கரும்பு போன்றவற்றை தவிர்த்து விட்டு நீர் அதிகம் தேவையிராத அதே சமயம் பொருளாதார ரீதியாக ஒரளவேனும் லாபம் தரும் பயிர்களை வளர்ப்பது அர்த்தமுள்ளது 1970 களிலிருந்தே பம்ப் செட்கள் மூலம் நிலத்தடி நீரை தொடர்ந்து பயன்படுத்தியதன் விளைவு இன்று கண்கூடாகத் தெரிகிறது.

மின்சாரம் குறித்த மான்யங்கள் பிரச்சினையின் ஒரு பகுதி, நீரை எப்படி பொருத்தமாக பயன்படுத்துவது என்பதில் அக்கறை காட்டியிருந்தால் இந்த பிரச்சினை இவ்வளவு மோசமாகமாறியிராது.மேலே குறிப்பிடுள்ள கட்டுரை சில தகவல்களை தருகிறது. அதன் அடிப்படையில் சில கருத்துக்களை முன்வைக்க முடியும்.

தமிழக அரசின் யோசனைகளை ஒரு நீண்ட காலக் கண்ணோட்டத்தில் அணுக வேண்டும்.மீண்டும் மீண்டும் அரிசி, கரும்பு என்று பயிரிட வேண்டியதில்லை. மாற்றுப்பயிர்களை ஏற்கும் விவசாயிகளுக்கு அரசு சில சலுகைகளை வழங்கலாம். இன்று நாம் அரிசியையும், சர்க்கரையும் விலை கொடுத்து பிற மாநிலங்களிடமிருந்து பெறலாம். எனவே இந்தப் பிரச்சினையை உணர்வு பூர்வமாக மட்டும் அணுகாமல் யதார்த்த ரீதியாகவும் அணுக வேண்டும்.
தொடரும்
அபாய அறிவிப்பு - இன்று விலங்குகள்,பறவைகள் நாளை நாம் ?

http://www.hindu.com/seta/2004/08/05/stories/2004080500311400.htm
Plastics cause gender change
Scientists now fear that seals, dolphins, otters, birds such asperegrine falcons and even honey bees are heading towards a unisex existence that would lead to extinction.

இந்துவில் மறுபிரசுரம் செய்யப்பட்டுள்ள இக்கட்டுரை ஒரு அதிர்ச்சி தரும் உண்மைகளை முன் வைக்கிறது.இது குறித்து விரைவில் எழுதுகிறேன்.
சிந்தனை

நான் படித்த,படித்துக்கொண்டிருக்கும், மற்றும் பரிந்துரைக்கும் நூல்கள்,கட்டுரைகள், மற்றும் இணையதளங்கள் குறித்த ஒரு வலைக்குறிப்பேடு.

http://chinthanai.blogspot.com