ஜெயேந்திரர் கைது - சில குறிப்புகள், கருத்துக்கள்

1,சாட்டப்பட்டுள்ள குற்றம் கடுமையானது. இதில் இ.பி.கோ 302 ஐ திரைப்படங்களில் அடிக்கடி கேட்டிருப்பீர்கள். குற்றம் நீருபிக்கப்பட்டால் இதற்கு அதிகபட்ச தண்டனை மரண தண்டனை. பிறபிரிவுகளும் கடுமையான தண்டனைக்கு இடமளிக்கும் பிரிவுகளே. அதே சமயம் நீதிமன்றத்தில் சந்தேகத்திற்கிடமின்றி ஒருவர் கொலைச் செய்யத் தூண்டினார், கூட்டாக திட்டமிட்டார் என்பதை நிரூபிக்க வேண்டும். இல்லையெனில் சந்தேகத்தின் பயன் குற்றம் சாட்டப்பட்டவருக்குக் கிடைக்கும். போதுமான ஆதாரங்கள், சாட்சியங்கள் இல்லாமல் இது போன்ற கடுமையான பிரிவுகளின் கீழ் ஒருவரை தண்டிப்பதுகடினம். குற்றப்பத்திரிகை தாக்கல் செய்யப்படும் போதுதான் எந்தப் பிரிவுகளின் கீழ் வழக்கில் அவர் மீது குற்றம் சாட்டப்படுகிறது என்பது தெரிய வரும்.

2, இந்த பிரிவுகளின் கீழ் குற்றம் சாட்டப்பட்டிருப்பதால் பெயில் கிடைப்பது கடினம்.அப்படியே கிடைத்தாலும் அது நிபந்தனைகளுடனான பெயிலாகவே இருக்க வாய்ப்புள்ளது.பொதுவாக இத்தகைய வழக்குகளில்பெயில் கொடுப்பதை அரசு தரப்பு எதிர்க்கும்.ஏனெனில் முதலில் கைது செய்வது ஒருவரை போலிஸ் காவலில் விசாரிக்க, சாட்சிகளை கலைத்து விடாமலிருக்க, ஆதாரங்களை அழித்து விடாமலிருக்க. கைதான உடனே நிபந்தனையற்ற பெயில் தரப்பட்டால் கைது செய்த நோக்கம் நிறைவேறாது. அழகிரிக்கு பெயில்கிடைக்க எவ்வளவு காலமானது என்பதை நினைவு கூர்ந்தால் நான் சொல்வது எளிதில் விளங்கும்.

3,பெயில் கிடைக்காத போது கைதியாக உள்ள ஒருவர் ஒரு மடத்தலைவராக நீடிக்க முடியுமா, அப்படியெனில் எவ்வளவு காலம் என்பது போன்ற கேள்விகள் எழுகின்றன. மடாதிபதியாக நீடிக்க முடியாத போது அவர் ஒரு துறவிதான்.ஒரு வேளை வழக்கு பதிவு செய்யப்பட்டு பின் இறுதியில் குற்றமற்றவர் என்று விடுவிக்கப்ட்டால் மீண்டும் மடாதிபதியாக முடியுமா, இல்லை வெறும் துறவியாகவே இருக்க வேண்டியதுதானா - இது போல் பல கேள்விகள் உள்ளன.

4, வெளியாகியுள்ள செய்திகளின் அடிப்படையில் பார்க்கும் போது இந்தக் கைதினை செய்திராவிட்டால்திமுக இந்த வழக்கினை ஒரு பிரச்சினையாக்கி, சட்ட ரீதியாக அணுக முயலும் என்பதால் அவர் கைதுசெய்யப்பட்டுள்ளார் என்று தோன்றுகிறது. திமுக தரப்பில் வலுவான ஆதாரம் அல்லது ஆவணம் இருந்தால் இதில் சரியான நடவடிக்கை எடுக்கவில்லை, முக்கிய குற்றவாளி என்று சந்தேகிக்கப்படுபவரை பாதுகாக்கிறது எனவே இதை சி.பி.ஐ விசாரிக்க வேண்டும் என்று கோரும் வாய்ப்பிருக்கிறது. மேலும் செப்டம்பரில் நடந்த கொலைக்கு கிட்டதட்ட 8 வாரம் கழிந்த பின்னர் கைது செய்துள்ளதால் அதற்கு வலுவான காரணங்கள் இருக்ககூடும். வெறும் யூகங்கள், அரசியல் நிர்ப்பந்தங்கள் காரணமாக இக்கைது செய்யப்படவில்லை. ரீடிப்பில் சோவின் பேட்டியும் ஆதாரம் உள்ளது என்ற வாதத்திற்கே வலுச் சேர்க்கிறது. காவல் துறை அவரிடம் மூன்று முறை விசாரணை நடத்தியுள்ளதாக செய்திகள் கூறுகின்றன.
5, அவர் சார்பில் வாதடிய வழக்கறிஞர் இவ்வழக்கில் குற்றம் சாட்டப்பட்டுள்ள சிலரிடமிருந்த வந்த தொலைபேசி கால்கள் மடத்து நிர்வாகியின் பெயரில் இருந்த செல்போன்களுக்கு வந்துள்ளதாக கூறியிருக்கிறார். அப்படியானால் அவர்களுக்கும் மடத்தும் ஏதோ தொடர்பு இருக்கிறது என்றுதானே பொருள் கொள்ள முடியும். அது எத்தகைய தொடர்பு என்பதே கேள்வி. Contesting the claims made by the PP, the counsel said all the cellphones on which the calls were received from the accused were not in the name of Sankaracharya but in the name of the Manager of the Mutt மேலும் செல்போன் யார் பெயரில் இருக்கிறது என்பதை விட யார் அதில் யாருடன் பேசியிருக்கிறார்கள் என்பதே முக்கியம்.
6, கைது செய்ய போதுமான காரணங்கள் இருந்ததாலே கைதாகியுள்ளார் என்றே கூற முடியும். மேலும் நீதிமன்றத்தில் அரசு வழக்கறிஞர் கூறியுள்ளவையும்,கடலூர் எஸ்.பி. பிரேம் குமார் கூறியுள்ளவையும் அவரை இக்கொலையில் தொடர்புபடுத்த ஆதாரங்கள் இருக்கின்றன என்ற எண்ணத்தினையே ஏற்படுத்துகின்றன. அரசு வழக்கறிஞர் பயன்படுத்தியுள்ள சில வார்த்தைகள் மிக கடுமையானவை, இவற்றை முன்யோசனையின்றி பயன்படுத்தியிருக்க வாய்ப்பில்லை. மாறாக பீடம் மரியாதைக்குரியது நபர் அல்ல என்பன மூலம்அவருக்கு சிறப்பு சலுகையோ மரியாதையோ தரப்படவேண்டியதில்லை, குற்றம் சாட்டப்பட்டுள்ள பிறர் போலவே அவரும் கருதப்பட வேண்டும் என்பதை வலியுறுத்தியுள்ளார் என்றே இதைப் புரிந்து கொள்ள முடியும்.
7, ஹிந்து முன்பு ராதாகிருஷ்ணன் என்பவர் மீதான கொலை முயற்சியைக் குறித்தும், அதில் குற்றவாளிகள்இன்னும் பிடிபடாதது குறித்தும், இவ்வழக்கில் பத்திரிகைகள், குறிப்பாக நக்கீரன் தகவல்களை வெளிக்கொணர்ந்தது குறித்தும் குறிப்பிடுகிறது. நான் நக்கீரன் படிப்பதில்லை. ஆனால் ஜூ.வி யும், ரிப்போர்ட்டரும் இதில் அதிக அக்கறை காட்டவில்லை, ஜெயலட்சுமி, செரீனா, சரவணபவன் ராஜகோபால் போன்றவர்கள்குறித்த வழக்குகள்,குற்றசாட்டுகளுக்கு கொடுத்த முக்கியத்துவத்தை சங்கர் ராமன் கொலை விவகாரத்திற்குதரவில்லை. இனி மேல் நிலைமை மாறும், தொடர்ந்து இது குறித்து இரண்டும் எழுதும். ஏனெனில் வேறு வழியில்லை, பிழைப்பு நடக்க வேணுமே, வியாபாரம் செழிக்க வேணுமே.
8, இதனால் காஞ்சி மடத்தின் புகழ் குன்றும், இருக்கும் மரியாதைக்கும் பங்கம் வரும். இந்து மதம் ஒரு மடத்தை துறவியைச் சார்ந்து இல்லை. இதனால் இந்து மதத்திற்கு பாதிப்பில்லை. மேலும் இந்துக்களின் ஒரு பிரிவினருக்கே காஞ்சி சங்கர மடம் குரு மடம் அல்லது பீடம். அவருக்கு ஏராளமானபக்தர்கள் இருக்கலாம். அவர்கள் எல்லோருக்கும் இம்மடம் குரு பீடம் அல்ல. ஜகத் குரு என்றுசொல்லிக் கொள்ளலாம் , ஆனால் முன்பு கல்கி எழுதியது போல் அவர் ஒரு பிரிவினருக்கு, தமிழ் பேசும்ஸ்மார்த்த பிரமாணர்களுக்கு என்று வேண்டுமானால் எடுத்துக்கொள்ளலாம், அவர் தலைவர் அல்லது குரு.இது தவிர பிற பீடங்கள் சங்கரர் நிறுவியவை இருக்கினறன. எனவே இந்து மதத்திற்கே இக்கைதினால்ஆபத்து, களங்கம் என்பதெல்லாம் கட்டுக்கதை. மாறாக இது மக்களிடம் விழிப்புணர்வு ஏற்பட உதவினால்நல்லது.

5 மறுமொழிகள்:

Blogger rajkumar மொழிந்தது...

Dear Ravi,

Good views.

Once again this incident highlighted the " lack of neutral stance" among journalists and magazines.

JV and reporter hardly covered the death of Sankar raman. Nakkeeran brought out this issue and somehow became one of the influencing factor for this arrest.

We should appreaciate Nakeeran for this.

Anbudan

11:47 PM  
Blogger S.K மொழிந்தது...

சங்கர ராமன் - மடம் விவகாரத்தைப் பற்றி ஜூனியர் விகடன் விலாவாரியாக செய்தி வெளியிட்டது. கவர் ஸ்டோரியாகவும், பெட்டிச் செய்தியாகவும், கழுகார் செய்தி யாகவும் நிறைய வந்தது. இதைப் பற்றி இந்த இதழிலும் குறிப்பிட்டிருக்கிறார்கள்.

நான் முதன் முதலில் இந்த விவகாரம் பற்றி அறிந்ததே ஜூ.வி பார்த்துதான்.

3:07 AM  
Blogger சுந்தரவடிவேல் மொழிந்தது...

//இது மக்களிடம் விழிப்புணர்வு ஏற்பட உதவினால்நல்லது.//
நம்புவோம்.

4:51 AM  
Blogger ravi srinivas மொழிந்தது...

jv did write in the beginning but did not pursue this seriously till the end.i understand that nakeeran did an investigation by itself independent of versions and news from police and also brought out some evidences
like letters etc.I think JV is in a dilemma because only
recently he released a publication of chutti vikatan and they know that they cannot pursue this matter as
other matters for that may offend some readers who are staunch devotees of the mutt. i think that the interview published in this issue of JV is to control the damage caused by the arrest to the reputation of the mutt.

12:14 PM  
Blogger ராம்கி மொழிந்தது...

எப்படியும் அவர் ஜாமீன் கிடைச்சு வெளியே வந்துடுவார். அவர் வர்றவரைக்கும் காவி கோஷ்டிங்க போடற ஆட்டம்தான் தாங்காது! கருப்புச் சட்டைங்களெல்லாம் ஏதோ ஜெயிச்சுட்ட மாதிரி திரியறதும் சகிக்கலை! காமெண்ட் அடிக்க முடியாத காங்கிரஸ்காரங்களை நினைச்சாத்தான் பாவமா கீது!

5:04 AM  

Post a Comment

<< முகப்பு